ചോദ്യം ചെയ്യലിനായി നാദിര്‍ഷ ഇന്ന് ഹാജരായേക്കില്ല
Update: 2018-05-08 12:35 GMT
നേരത്തെ ദിലീപിനൊപ്പം നാദിര്‍ഷയെ 16 മണിക്കൂര്‍ ചോദ്യം ചെയ്തിരുന്നു
കൊച്ചിയില്‍ നടി ആക്രമിക്കപ്പെട്ട സംഭവവുമായി ബന്ധപ്പെട്ട് നടനും സംവിധായകനുമായ നാദിര്‍ഷ ചോദ്യം ചെയ്യലിനായി അന്വേഷണ ഉദ്യോഗസ്ഥര്‍ക്ക് മുന്നില്‍ ഇന്ന് ഹാജരായേക്കില്ല. വിദഗ്ധ നിയമോപദേശം തേടിയ ശേഷമാകും നാദിര്‍ഷ ഹാജരാകുക എന്നാണ് സൂചന.
നേരത്തെ ദിലീപുമൊത്ത് നാദിര്‍ഷയെ 16 മണിക്കൂര്‍ ചോദ്യം ചെയ്തിരുന്നു. നേരത്തെ നല്‍കിയ മൊഴിയില്‍ സംശയാസ്പദമായ പലതും കണ്ടെത്തിയ സാഹചര്യത്തിലാണ് ചോദ്യം ചെയ്യലിന് വീണ്ടും ഹാജരാകാന്‍ നാദിര്‍ഷക്ക് നോട്ടീസ് നല്‍കിയിരുന്നു. ഇതേതുടര്‍ന്ന് അസുഖമാണെന്ന് ചൂണ്ടിക്കാട്ടി ആശുപത്രിയിലായ താരം ഇന്നലെ പുറത്തിറങ്ങിയിരുന്നു. മുന്‍കൂര്‍ ജാമ്യാപേക്ഷയും ഇതിനിടെ ഹൈക്കോടതി തള്ളി.