‘എല്ലാ ഇസ്രായേലികളും തീവ്രവാദികൾ’; ഇസ്രായേലികളെ ബ്രിട്ടീഷ്​ രാജ്​ഞി കൊട്ടാരത്തിൽ​ പ്രവേശിപ്പിച്ചിരുന്നില്ലെന്ന്​​ മുൻ പ്രസിഡൻറ്​

ലണ്ടൻ: എല്ലാ ഇസ്രായേലികളും തീവ്രവാദികളോ അല്ലെങ്കിൽ തീവ്രവാദികളുടെ മക്കളോ ആണെന്ന്​ എലിസബത്ത്​ രാജ്​ഞി വിശ്വസിച്ചിരുന്നതായി ഇ​സ്രായേലി മുൻ​ പ്രസിഡൻറ്​ റൂവൻ റിവ്​ലിൻ. ലണ്ടനിൽ നടന്ന ചടങ്ങി​നിടെയായിരുന്നു റിവ്​ലി​െൻറ പ്രസ്​താവന. എലിസബത്ത്​ രാജ്​ഞിയുടെ വിശ്വാസം കാരണം ഇരു രാജ്യങ്ങളും തമ്മിലെ ബന്ധം വഷളായിരുന്നുവെന്നും റിവ്​ലിൻ വ്യക്​തമാക്കി.

അന്താരാഷ്​ട്ര അവസരങ്ങളിൽ ഒഴികെ ഒരു ഇസ്രായേലി ഉദ്യോഗസ്​ഥനെയും അവർ ബക്കിങ്ഹാം കൊട്ടാരത്തിലേക്ക്​ പ്രവേശിപ്പിച്ചിരുന്നില്ല. എന്നാൽ, ചാൾസ്​ മൂന്നാമൻ വളരെ സൗഹർദം പുലർത്തിയിരുന്നുവെന്നും റിവ്​ലിൻ പറഞ്ഞു. ഇസ്രായേലി​െൻറ പത്താമത്തെ പ്രസിഡൻറായിരുന്ന റിവ്​ലിൻ 2014-2021 കാലയളവിലാണ്​ അധികാരത്തിലുണ്ടായിരുന്നത്​.

രാജ്​ഞിയായിരുന്ന 70 വർഷത്തിനിടെ 120ഓളം രാജ്യങ്ങളാണ്​ എലിസബത്ത്​ രാജ്​ഞി സന്ദർശിച്ചത്​. എന്നാൽ, ഇതിനിടെ ഒരിക്കലും ഇസ്രായേൽ സന്ദർശിച്ചിരുന്നില്ല.

1984ൽ അവർ ജോർഡൻ സന്ദർശിക്കുകയുണ്ടായി. ഈ സമയത്ത്​ അധിനിവേശ വെസ്​റ്റ്​ ബാങ്കിൽനിന്ന്​ ഇസ്രായേലി യുദ്ധ വിമാനങ്ങൾ ആകാശത്ത്​ പറന്നപ്പോൾ എത്ര ഭയപ്പെടുത്തുന്നുവെന്ന്​ അവർ ചോദിക്കുകയുണ്ടായി. ഭയാനകരമാണെന്നായിരുന്നു ജോർദാൻ രാജാവ്​ ഹുസൈ​െൻറ ഭാര്യ രാജ്​ഞി നൂറി​െൻറ പ്രതികരണം.

പിന്നീട്​ എലിസബത്ത്​ രാജ്​ഞി ​വെസ്​റ്റ്​ ബാങ്കിലെ ഇസ്രായേലി കുടിയേറ്റ കേ​ന്ദ്രങ്ങളുടെ ഭൂപടം കാണുകയുണ്ടായി. നിരാശാജനകമായ ഭൂപടം എന്നായിരുന്നു ഇതിനോട്​ രാജ്​ഞി പ്രതികരിച്ചത്​. 2022ലാണ്​ എലിസ്​ബത്ത്​ രാജ്​ഞി അന്തരിച്ചത്​.