ജയസൂര്യ എന്ന നടൻ വീണ്ടും വിസ്മയിപ്പിക്കുന്നു: ക്യാപ്റ്റനെകുറിച്ച് ആടിന്റെ സംവിധായകന്‍ജയസൂര്യ എന്ന നടൻ വീണ്ടും വിസ്മയിപ്പിക്കുന്നു: ക്യാപ്റ്റനെകുറിച്ച് ആടിന്റെ സംവിധായകന്‍
|പ്രജേഷ് സെൻ - നിങ്ങൾക്ക് അഭിമാനിക്കാൻ വകയുണ്ട് തുടക്കക്കാരാ, നല്ലൊരു സിനിമ അണിയിച്ചു ഒരുക്കിയതിൽ
ജയസൂര്യ എന്ന നടൻ വീണ്ടും വിസ്മയിപ്പിക്കുന്നതായി ആട് സംവിധായകന്‍ മിഥുന്‍ മാനുവല്‍ തോമസ്. ക്യാപ്റ്റന്‍ ഒരു മികച്ച ചിത്രമാണെന്നും തിയറ്റര്‍ വിട്ടിറങ്ങുമ്പോള്‍ സത്യന്‍ നമ്മുടെ മനസ്സിലെ തീരാത്ത വിങ്ങലായി മാറുമെന്നും മിഥുന്‍ ഫേസ്ബുക്കില്‍ കുറിച്ചു.
മിഥുന്റെ ഫേസ്ബുക്ക് പോസ്റ്റ്
ക്യാപ്റ്റൻ കണ്ടു.. (വിസ്മയയിലെ പ്രിവ്യു ഷോ).. കുട്ടിക്കാലത്തു ഒരിക്കൽ സ്കൂൾ അവധി കിട്ടിയത് കേരളം സന്തോഷ് ട്രോഫി നേടിയതിന്റെ പിറ്റേന്നായിരുന്നു.. അന്ന് റേഡിയോ കമ്മന്ററിയിൽ കേരളാ ക്യാപ്റ്റൻ വി പി സത്യന്റെ പേര് കമന്റേറ്റർ തൊണ്ട പൊട്ടുമാറു അലറി വിളിച്ചത് ഇന്നലെയെന്നത് പോലെ ഓർക്കുന്നു.. അന്ന് മനസ്സിൽ പതിഞ്ഞ പേരാണ് സത്യൻ..നായകൻ സത്യൻ.. ക്യാപ്റ്റൻ സത്യൻ.. അയാളുടെ നമ്മളറിയാത്ത ജീവിതം ആണ് ഈ സിനിമ.. തിരസ്‌ക്കാരങ്ങളുടെ, അവഗണനകളുടെ നൊമ്പരങ്ങളുടെ കണ്ണീർപ്പാടങ്ങളിൽ പുഞ്ചിരി വിരിയിക്കാൻ പടപൊരുതിയ ഒരു വീരനായകന്റെ കഥ, ഒരു അച്ഛന്റെ കഥ, ഒരു ഭർത്താവിന്റെ കഥ.. തീയറ്റർ വിട്ടിറങ്ങുമ്പോൾ സത്യൻ നമ്മുടെ മനസ്സിലെ തീരാത്ത വിങ്ങലായി മാറും, തീർച്ച. ജയസൂര്യ എന്ന നടൻ വീണ്ടും വിസ്മയിപ്പിക്കുന്നു..ഇത് പോലെ അതിരുകളില്ലാത്ത അഭിനയസാധ്യതകൾ ഉള്ള കഥാപാത്രങ്ങൾ ഇനിയും നിങ്ങളെ തേടി വരും.. ഉറപ്പു.. സത്യന്റെ അനിതയായി അനു സിത്താരയും നമ്മുടെ മനസ്സിലേയ്ക്ക് നടന്നു കയറുന്നു.. പ്രജേഷ് സെൻ - നിങ്ങൾക്ക് അഭിമാനിക്കാൻ വകയുണ്ട് തുടക്കക്കാരാ, നല്ലൊരു സിനിമ അണിയിച്ചു ഒരുക്കിയതിൽ... Goodwill entertainments - നിങ്ങൾക്കും അഭിനന്ദനങ്ങൾ.. സത്യനെ വീണ്ടും ഓർക്കാൻ ചുക്കാൻ പിടിച്ചതിന്.. പിന്നെ, ഈ സിനിമയുടെ അണിയറയിൽ പ്രവർത്തിച്ച എല്ലാവർക്കും ഒരു ഫുട്ബാൾ പ്രേമിയുടെ, ഒരു സത്യൻ ആരാധകന്റെ സ്നേഹം, ഇഷ്ടം..