നല്ല സിനിമ എപ്പോഴും വിജയം കൈവരിക്കുമെന്ന് ദുൽഖർ സൽമാൻ

'സോളോ' സിനിമയുടെ റിലീസിന്റെ ഭാഗമായി നടത്തിയ വാർത്താസമ്മേളനത്തിൽ സംസാരിക്കുകയായിരുന്നു അദ്ദേഹം

സിനിമയുടെ ഗുണമേൻമയാണ്​ പ്രധാനമെന്നും നല്ല സിനിമ എപ്പോഴും വിജയം കൈവരിക്കുമെന്നും നടൻ ദുൽഖർ സൽമാൻ. ബിജോയ് നമ്പ്യാർ സംവിധാനം ചെയ്ത് ദുൽഖർ നായകനാകുന്ന 'സോളോ' സിനിമയുടെ റിലീസിന്റെ ഭാഗമായി നടത്തിയ വാർത്താസമ്മേളനത്തിൽ സംസാരിക്കുകയായിരുന്നു അദ്ദേഹം.

മലയാളത്തിലും തമിഴിലും രൂപം നൽകിയ 'സോളോ' ദുബൈയിലും റിലീസ്​ ചെയ്തു​. സിനിമയെ പ്രേക്ഷകർ ഇഷ്ടപ്പെടും എന്നു തന്നെയാണ്​ താൻ പ്രതീക്ഷിക്കുന്നതെന്നായിരു​ന്നു ദുൽഖറിന്റെ പ്രതികരണം. നല്ല സിനിമയെ വിജയിപ്പിക്കുന്നവരാണു മലയാളികൾ. ഒന്നിലേറെ റോളിൽ അഭിനയിക്കുന്ന 'സോളോ' പ്രവാസലോകത്തും മികച്ച പ്രതികരണം കൊണ്ടുവുമെന്ന പ്രതീക്ഷയിലായിരുന്നു മറ്റ്​ അണിയറശിൽപികളും. സംവിധായകൻ ബിജോയ് നമ്പ്യാർ, നടിമാരായ അർതി വെങ്ക്ടേശ്, നേഹ ശർമ, ശ്രുതി ഹരിഹരൻ തുടങ്ങിയവരും വാർത്താസമ്മേളനത്തിൽ പങ്കെടുത്തു.