'ഹാലാകെ മാറുന്നു'; ഹല്‍ദി കല്യാണവുമായി അനാര്‍ക്കലി, സുലൈഖ മന്‍സിലിലെ രണ്ടാം ഗാനം പുറത്ത്
|നേരത്തെ സുലൈഖ മന്‍സിലിലേതായി പുറത്തിറങ്ങിയ 'ആരാരും മനസ്സിൽ നിന്നൊരിക്കലും'എന്ന ഹിറ്റ് മാപ്പിളപ്പാട്ടിന്‍റെ റീമേക്ക് വലിയ തരംഗമായിരുന്നു
ഹല്‍ദി കല്യാണത്തിന്‍റെ പശ്ചാത്തലത്തിലുള്ള സുലൈഖ മന്‍സിലിലെ രണ്ടാം ഗാനം പുറത്ത്. 'ഹാലാകെ മാറുന്നു' എന്ന പേരില്‍ പുറത്തിറങ്ങിയ ഗാനത്തില്‍ അനാര്‍ക്കലി മരക്കാരാണ് ആണ് കല്യാണ പെണ്ണായി അണിഞ്ഞൊരുങ്ങുന്നത്. വിഷ്ണു വിജയ് ആണ് ഗാനത്തിന് സംഗീതം ഒരുക്കിയിരിക്കുന്നത്. മുഹ്സിന്‍ പരാരിയാണ് ഗാനത്തിന് വരികളെഴുതിയത്. വിഷ്ണു വിജയ്, പുഷ്പവതി പൊയ്പടത്ത്, അഹി അജയന്‍ എന്നിവര്‍ ചേര്‍ന്നാണ് ഗാനം ആലപിച്ചിരിക്കുന്നത്.
നേരത്തെ സുലൈഖ മന്‍സിലിലേതായി പുറത്തിറങ്ങിയ 'ആരാരും മനസ്സിൽ നിന്നൊരിക്കലും'എന്ന ഹിറ്റ് മാപ്പിളപ്പാട്ടിന്‍റെ റീമേക്ക് വലിയ തരംഗമായിരുന്നു. സുലൈഖ മന്‍സിലില്‍ കല്യാണ പാട്ടായി തന്നെയാണ് അണിയറ പ്രവര്‍ത്തകര്‍ അവതരിപ്പിച്ചിരിക്കുന്നത്.
'തമാശ', 'ഭീമന്‍റെ വഴി' എന്നീ ചിത്രങ്ങൾക്ക് ശേഷം അഷ്‌റഫ് ഹംസ സംവിധാനം ചെയ്യുന്ന ചിത്രമാണ് 'സുലൈഖ മൻസില്‍'. പ്രണയ ചിത്രമായി ഒരുക്കുന്ന ചിത്രത്തില്‍ അനാർക്കലി മരിക്കാർ ആണ് നായികയായി എത്തുന്നത്. ചെമ്പോസ്കി മോഷൻ പിക്ചേഴ്സിന്റെ ബാനറിൽ ചെമ്പൻ വിനോദ് ജോസ്, സുഭീഷ് കണ്ണഞ്ചേരി, സമീർ കാരാട്ട് എന്നിവർ ചേർന്നാണ് സുലൈഖ മൻസിൽ നിർമ്മിക്കുന്നത്.
കണ്ണൻ പട്ടേരിയാണ് ഛായാഗ്രാഹകൻ. മുഹ്‌സിൻ പരാരിയുടെ വരികൾക്ക് വിഷ്ണു വിജയ് സംഗീതം നൽകുന്നു. അഡീഷണൽ സോങ്‌സ്-രാമമൂർത്തി-ടി.കെ കുറ്റിയാലി, സലിം കൊടത്തൂർ. എഡിറ്റിംഗ്-നൗഫൽ അബ്ദുള്ള. ആർ.ജി വയനാടൻ-മേക്കപ്പ്, കോസ്റ്റ്യൂംസ് - ഗഫൂർ മുഹമ്മദ്, ചീഫ് അസോസിയേറ്റ് ഡയറക്ടേസ്-ശബരീഷ് വർമ, ജിനു തോമ. തിങ്ക് മ്യൂസിക്കിനാണ് ഓഡിയോ റൈറ്റ്‌സ്. ഡിജിറ്റൽ പി.ആർ- പിക്സൽ ബേർഡ്. ഈദ് റിലീസായി ചിത്രം തിയറ്ററിലെത്തും.