ജാഫർ ഇടുക്കി നായകനായ 'ഒരു കടന്നൽ കഥ' വരുന്നു

പ്രശസ്ത നടൻ ജാഫർ ഇടുക്കിയെ കേന്ദ്ര കഥാപാത്രമാക്കി പ്രദീപ് വേലായുധൻ തിരക്കഥയെഴുതി സംവിധാനം ചെയ്യുന്ന 'ഒരു കടന്നൽ കഥ' എന്ന ചിത്രത്തിന്‍റെ ചിത്രീകരണം പൂർത്തിയായി. കോതമംഗലം, കുട്ടമ്പുഴ, ഭൂതത്താൻകെട്ട്, മൂവാറ്റുപുഴ എന്നിവിടങ്ങളിലായാണ് ചിത്രത്തിന്‍റെ ചിത്രീകരണം പൂർത്തിയായത്. സുധീർ കരമന, സുനിൽ സുഖദ, സുധീർ പരവൂർ, പരസ്പരം പ്രദീപ്, അസീസ് നെടുമങ്ങാട്, സാജൻ പള്ളുരുത്തി, അമൽ രവീന്ദ്രൻ, കൊച്ചിൻ ബിജു, ബിജു ശങ്കർ, അജിത് കൂത്താട്ടുകുളം, മുൻഷി രഞ്ജിത്, ഉല്ലാസ് ഭായ്, ഹരി നംബോദ, വിനോദ് ബോസ്, നിഷ സാരംഗ്, അരുണിമ രാജ്, ജോളി ചിറയത്ത്, മാസ്റ്റർ അബരീഷ് തുടങ്ങിയവരാണ് ചിത്രത്തിലെ മറ്റു കഥാപാത്രങ്ങളെ അവതരിപ്പിക്കുന്നത്.

ടി.കെ.വി പ്രൊഡക്ഷൻസ്, ഡി.കെ പ്രൊഡക്ഷൻസ് എന്നി ബാനറുകളിൽ സുവർണ്ണ പ്രദീപ്, ഉല്ലാസ് ശങ്കർ, ബാബു പന്തക്കൻ എന്നിവർ നിർമിക്കുന്ന ചിത്രത്തിന്‍റെ ഛായാഗ്രഹണം ജിസ്ബിൻ സെബാസ്റ്റൃൻ നിർവ്വഹിക്കുന്നു. ഗാനരചനയും സംഗീത സംവിധാനവും ജിൻസി മണിയാട്ട്, വയലിൻ സജി എന്നിവർ നിർവ്വഹിക്കുന്നു. കോ പ്രൊഡ്യുസർ-നിഷ ബിജു. എഡിറ്റർ-ഗ്രേയ്സൺ എ.സി.എ. കല-ഷിബു അടിമാലി. മേക്കപ്പ്-മോഹൻ അറക്കൽ. സ്റ്റിൽസ്-നിതിൻ കെ ഉദയൻ. പ്രൊഡക്ഷൻ കൺട്രോളർ-ഉല്ലാസ് ശങ്കർ. പി.ആർ.ഒ-എ.എസ് ദിനേശ്.