നുണക്കുഴിയിൽ വീണ്ടും; ഒരിക്കൽ കൂടി ബേസിൽ ജോസഫ്-നിഖില വിമൽ കോംബോ !
|ചുരുങ്ങിയ കാലയളവിനുള്ളിൽ വിരലിലെണ്ണാവുന്ന കഥാപാത്രങ്ങളിലൂടെ പ്രേക്ഷകരെ വിസ്മയിപ്പിച്ച മലയാളത്തിന്റെ പ്രിയതാരങ്ങളാണ് ബേസിൽ ജോസഫും നിഖില വിമലും. 'ഗുരുവായൂരമ്പലനടയിൽ'ലെ കിടിലൻ അഭിനയത്തിന് ശേഷം ജീത്തു ജോസഫിന്റെ ഔട്ട് ആൻഡ് ഔട്ട് കോമഡി ഫാമിലി എന്റർടെയ്നർ ചിത്രമായ 'നുണക്കുഴി'യിലൂടെ ഇവർ വീണ്ടും സ്ക്രീനിൽ ഒരുമിച്ച് പ്രത്യക്ഷപ്പെടാൻ ഒരുങ്ങുമ്പോൾ പ്രേക്ഷകരുടെ പ്രതീക്ഷ വാനോളമാണ്. ബേസിലിന്റെ കഥാപാത്രത്തിന്റെ സ്വഭാവം ചിത്രത്തിന്റെ ട്രെയിലറിൽ നിന്ന് വ്യക്തമാണ്. എന്നാൽ നിഖിലയുടെ കഥാപാത്രത്തെ കുറിച്ച് യാതൊരു സൂചനയും ട്രെയിലർ നൽകുന്നില്ല. സസ്പെൻസ് ഒളുപ്പിച്ച ട്രെയ്ലർ സോഷ്യൽ മീഡിയകളിൽ വൈറലാവുമ്പോൾ ചിത്രത്തിന്റെ സംവിധായകനിലും ചിത്രത്തിലെ അഭിനേതാക്കളിലുമാണ് പ്രേക്ഷകർ പ്രതീക്ഷ അർപ്പിച്ചിരിക്കുന്നത്. ജീത്തു ജോസഫിന്റെ മുൻ ചിത്രങ്ങളിൽ നിന്നും വ്യത്യസ്തതമായി ഒരുങ്ങുന്ന ഈ ചിത്രത്തിൽ ബേസിലിന്റെ നായികയായി എത്തുന്നത് ഗ്രേസ് ആന്റണിയാണ്. സിദ്ദിഖ്, മനോജ് കെ ജയൻ, ബൈജു സന്തോഷ്‌, അജു വർഗീസ്, സൈജു കുറുപ്പ്, അൽത്താഫ് സലിം എന്നിവരും ചിത്രത്തിലുണ്ട് എന്നതാണ് മറ്റൊരു ഹൈലൈറ്റ്.
സന്ത്യൻ അന്തിക്കാട് സംവിധാനം ചെയ്ത 'ഭാഗ്യദേവത'യിൽ ജയറാമിന്റെ ഇളയ അനുജത്തിയുടെ വേഷം അഭിനയിച്ച് സിനിമയിൽ രംഗപ്രവേശനം നടത്തിയ നിഖില വിമൽ സത്യൻ അന്തിക്കാടിന്റെ ഫഹദ് ഫാസിൽ ചിത്രമായ 'ഞാൻ പ്രകാശനി'ലെ 'സലോമി'യിലൂടെയാണ് പ്രേക്ഷകശ്രദ്ധ പിടിച്ചെടുത്തത്. ദിലീപ് ചിത്രമായ 'ലവ് 24x7'ൽ ആദ്യമായി നായികയായി എത്തുന്നത്. പിന്നീട് മലയാളത്തിലും തമിഴിലും ഒരുപോലെ ആരാധക ഹൃദയങ്ങളിലും തൻ്റേതായ വ്യക്തിമുദ്ര പതിപ്പിക്കാൻ നിഖിലയ്ക്ക് സാധിച്ചു. 'അരവിന്ദന്റെ അതിഥികൾ'ലെ വരദ, 'ഒരു യമണ്ടൻ പ്രേമകഥ'യിലെ ദിയ ഫ്രാൻസിസ്, 'അയൽവാശി'ലെ സെലിൻ, 'കൊത്തി'ലെ ഹിസാന, 'പോർ തൊഴിലി'ലെ വീണ, 'വെട്രിവേലി'ലെ ലത, 'ജോ ആൻഡ് ജോ'ലെ ജോമോൾ പാലത്തറ, 'ഗുരുവായൂരമ്പലനടയിലെ'ലെ പാർവതി എന്നിവ നിഖിലയുടെ എടുത്തുപറയേണ്ട കഥാപാത്രങ്ങളാണ്. 'നുണക്കുഴി'യിലും തികച്ചും ശ്രദ്ധേയമായൊരു കഥാപാത്രത്തെയാണ് നിഖില വിമൽ അവതരിപ്പിക്കുന്നത്.
2024 ഓഗസ്റ്റ് 15നാണ് 'നുണക്കുഴി' തിയറ്റർ റിലീസ് ചെയ്യുന്നത്. 'ട്വെൽത്ത് മാൻ', 'കൂമൻ' എന്നിവയുടെ തിരക്കഥ രചിച്ച കെ ആർ കൃഷ്ണകുമാറാണ് ഈ ചിത്രത്തിന്റെയും തിരക്കഥാകൃത്ത്. സെൻസറിംങ് കഴിഞ്ഞ ചിത്രത്തിന് U/A സർട്ടിഫിക്കറ്റാണ് ലഭിച്ചത്. സരിഗമ, ബെഡ് ടൈം സ്റ്റോറീസ്, യൂഡ് ലീ ഫിലിംസ് എന്നീ ബാനറുകളിൽ വിക്രം മെഹ്‌റ, സിദ്ധാർത്ഥ് ആനന്ദ് കുമാർ എന്നിവർ ചേർന്ന് നിർമ്മിക്കുന്ന ചിത്രത്തിന്റെ സഹനിർമ്മാതാവ് സാഹിൽ എസ് ശർമ്മയാണ്. ആശിർവാദ് കേരളത്തിൽ വിതരണത്തിനെത്തിക്കുന്ന ചിത്രത്തിലെ മറ്റ് പ്രധാന വേഷങ്ങൾ ലെന, സ്വാസിക, ബിനു പപ്പു, അസീസ് നെടുമങ്ങാട്, സെൽവരാജ്, ശ്യാം മോഹൻ, ദിനേശ് പ്രഭാകർ, കലാഭവൻ യുസഫ്, രാജേഷ് പറവൂർ, റിയാസ് നർമ്മകല, അരുൺ പുനലൂർ, ശ്യാം തൃക്കുന്നപുഴ, സന്തോഷ്‌ ലക്ഷ്മണൻ, കലാഭവൻ ജിന്റോ, സുന്ദർ നായക് തുടങ്ങിയവരാണ് കൈകാര്യം ചെയ്യുന്നത്.
ഛായാഗ്രഹണം: സതീഷ് കുറുപ്പ്, ചിത്രസംയോജനം: വിനായക് വിഎസ്, എക്സിക്യൂട്ടീവ് പ്രൊഡ്യുസേർസ് (സരിഗമ): സൂരജ് കുമാർ, ആശിഷ് മെഹ്‌റ, അനുരോദ് ഗുസൈൻ, രതി ഗലാനി, എക്സിക്യൂട്ടീവ് പ്രൊഡ്യൂസർ (ബെഡ്ടൈം സ്റ്റോറീസ്): കാറ്റിന ജീത്തു, ലൈൻ പ്രൊഡ്യൂസർ: ബെഡ്ടൈം സ്റ്റോറീസ്, ക്രിയേറ്റീവ് പ്രൊഡ്യൂസർ: സൗരഭ് അരോറ, സംഗീതം: ജയ് ഉണ്ണിത്താൻ, വിഷ്ണു ശ്യാം, ബാക്ക്ഗ്രൗണ്ട് സ്കോർ: വിഷ്ണു ശ്യാം, സൗണ്ട് ഡിസൈൻ: സിനോയ് ജോസഫ്, ഗാനരചന: വിനായക് ശശികുമാർ, പ്രൊഡക്ഷൻ ഡിസൈനർ: പ്രശാന്ത് മാധവ്, പ്രൊഡക്ഷൻ കൺട്രോളർ: പ്രണവ് മോഹൻ, പ്രൊഡക്ഷൻ മാനേജർമാർ: രോഹിത്, രാഹുൽ, ചീഫ് അസോസിയേറ്റ് ഡയറക്ടർ: സുധീഷ് രാമചന്ദ്രൻ, അസോസിയേറ്റ് ഡയറക്ടേർസ്: സോണി ജി സോളമൻ, അമരേഷ് കുമാർ കെ, ഫസ്റ്റ് അസിസ്റ്റൻ്റ് ഡയറക്ടേർസ്: മാർട്ടിൻ ജോസഫ്, ഗൗതം കെ നായനാർ, സെക്കൻഡ് യൂണിറ്റ് സിനിമാറ്റോഗ്രഫി: ബിനു കുര്യൻ, ഏരിയൽ സിനിമാറ്റോഗ്രഫി: നിതിൻ അന്തിക്കാടൻ, സ്പോട്ട് എഡിറ്റർ: ഉണ്ണികൃഷ്ണൻ ഗോപിനാഥൻ, ലൊക്കേഷൻ സൗണ്ട് റെക്കോർഡിസ്റ്റ്: വിനീത് ബാലചന്ദ്രൻ, അഖിലേഷ് കൊയിലാണ്ടി, റെക്കോർഡിംഗ് എഞ്ചിനീയർ: സുബൈർ സി പി, വസ്ത്രാലങ്കാരം: ലിന്റാ ജീത്തു, മേക്കപ്പ്: അമൽ ചന്ദ്രൻ, രതീഷ് വിജയൻ, കളറിസ്റ്റ്: ലിജു പ്രഭാഷകർ, വി.എഫ്.എക്സ്: ടോണി ടോം (മാഗ്മിത്ത്), സ്റ്റിൽസ്: ബെന്നറ്റ് എം വർഗീസ്, പബ്ലിസിറ്റി ഡിസൈൻ: യെല്ലോടൂത്ത്സ്, മാർക്കറ്റിംഗ് ഹെഡ് (സരിഗമ): പങ്കജ് കൽറ, പിആർഒ & മാർക്കറ്റിംങ്: വൈശാഖ് വടക്കേവീട്, ജിനു അനിൽകുമാർ.