പുതിയൊരു അധ്യായം തുടങ്ങുന്നു, എന്‍റെ തങ്കമേ..ഈ ദിവസം നിന്‍റേതാണ്; വിവാഹദിനത്തില്‍ മനോഹരമായ കുറിപ്പുമായ വിഘ്നേഷ്
|നീണ്ട നാളത്തെ കാത്തിരിപ്പിനൊടുവില്‍ സംവിധായകന്‍ വിഘ്നേഷ് ശിവനും നടി നയന്‍താരയും ഇന്ന് വിവാഹിതരാവുകയാണ്
നീണ്ട നാളത്തെ കാത്തിരിപ്പിനൊടുവില്‍ സംവിധായകന്‍ വിഘ്നേഷ് ശിവനും നടി നയന്‍താരയും ഇന്ന് വിവാഹിതരാവുകയാണ്. മഹാബലിപുരത്തെ ഷെറാട്ടൺ പാർക്കിൽ വച്ചാണ് വിവാഹം. രജനീകാന്ത്, ഷാരൂഖ് ഖാന്‍ ഉള്‍പ്പെടെയുള്ള വന്‍താരനിര തന്നെ ഇരുവരുടെയും വിവാഹചടങ്ങിന് എത്തിയിട്ടുണ്ട്. വിവാഹദിനത്തിൽ വിഘ്നേഷ് ഇന്‍സ്റ്റഗ്രാമില്‍ പങ്കുവച്ച കുറിപ്പാണ് ശ്രദ്ധ നേടുന്നത്.
വിഘ്നേഷിന്‍റെ കുറിപ്പ്
'ഇന്ന് ജൂൺ 9 ആണ്, ഇത് നയന്‍റേതാണ്. എന്‍റെ ജീവിതം കടന്നുപോയ എല്ലാ സുന്ദര മനുഷ്യരിൽ നിന്നുമുള്ള ദൈവത്തിനും പ്രപഞ്ചത്തിനും നന്മയ്ക്കും നന്ദി !! ഓരോ നല്ല ആത്മാവും, ഓരോ നല്ല നിമിഷവും, ഓരോ നല്ല യാദൃശ്ചികതയും, ഓരോ നല്ല അനുഗ്രഹവും, ഷൂട്ടിംഗിലെ എല്ലാ ദിവസവും, ജീവിതത്തെ മനോഹരമാക്കിയ ഓരോ പ്രാർത്ഥനയും! ഇപ്പോൾ, ഇതെല്ലാം എന്‍റെ ജീവിതത്തിലെ സ്നേഹത്തിനായി സമർപ്പിക്കപ്പെട്ടിരിക്കുന്നു! അതാണ് നയൻതാര!
എന്‍റെ തങ്കമേ ! ഏതാനും മണിക്കൂറുകൾക്കുള്ളിൽ നിങ്ങൾ ദേവാലയ ഇടനാഴിയിലൂടെ നടക്കുന്നത് കാണുന്നതിൽ സന്തോഷമുണ്ട്! എല്ലാ നന്മകൾക്കും വേണ്ടി ദൈവത്തോട് പ്രാർത്ഥിക്കുന്നു.. ഒപ്പം കാത്തിരിക്കുന്നു.ഞങ്ങളുടെ പ്രിയപ്പെട്ട കുടുംബത്തിനും മികച്ച സുഹൃത്തുക്കൾക്കും മുന്നിൽ ഔദ്യോഗികമായി ഒരു പുതിയ അധ്യായം ആരംഭിക്കുന്നു..'- വിഘ്നേഷ് ശിവൻ കുറിക്കുന്നു.