അനൂപ് മേനോൻ നായകനായി 'തിമിംഗലവേട്ട'; ചിത്രീകരണം ഉടന്‍

അനൂപ് മേനോൻ നായകനായ 'തിമിംഗലവേട്ട' എന്ന സിനിമയുടെ ചിത്രീകരണം ആരംഭിക്കുന്നു. ഡിസംബര്‍ 21ന് തിരുവനന്തപുരത്താണ് ചിത്രത്തിന്‍റെ ചിത്രീകരണം നടക്കുക. രാകേഷ് ഗോപൻ രചനയും സംവിധാനവും നിർവ്വഹിക്കുന്ന ചിത്രം വി.എം.ആർ.ഫിലിംസിൻ്റെ ബാനറിൽ സജിമോൻ നിർമിക്കുന്നു. തലസ്ഥാന നഗരത്തിൽ അരങ്ങേറുന്ന രാഷ്ടീയ സംഭവ വികാസങ്ങളെ തികഞ്ഞ സറ്റയർ രൂപത്തിൽ അവതരിപ്പിക്കുന്ന രാഷ്ട്രീയ ചിത്രമായിരിക്കും 'തിമിംഗലവേട്ട'. കലാഭവൻ ഷാജോൺ, ബൈജു സന്തോഷ് എന്നിവരും ചിത്രത്തില്‍ പ്രധാന വേഷങ്ങളിലെത്തും.

രമേഷ് പിഷാരടി, ജഗദീഷ്, മണിയൻ പിള്ള രാജു, നന്ദു, കോട്ടയം രമേഷ്, പി.പി.കുഞ്ഞികൃഷ്ണൻ മാഷ് (ന്നാ താൻ കേസ് കൊട് ഫെയിം), രാധികാ നായർ (അപ്പൻ ഫെയിം) എന്നിവര്‍ ചിത്രത്തിലെ മറ്റു പ്രധാന വേഷങ്ങളിലെത്തും. ഹരി നാരായണൻ്റെ വരികൾക്ക് ബിജിപാൽ ഈണം പകർന്നിരിക്കുന്നു. പ്രദീപ് നായർ ഛായാഗ്രഹണവും നൗഫൽ അബ്ദുള്ള എഡിറ്റിംഗും നിർവ്വഹിക്കുന്നു. കലാസംവിധാനം-കണ്ണൻ ആതിരപ്പള്ളി. മേക്കപ്പ്-റോണക്സ് സേവ്യർ. വസ്ത്രാലങ്കാരം-അരുൺ മനോഹർ. ചീഫ് അസോസിയേറ്റ് ഡയറക്ടർ-ഹരി സുധൻ. പ്രൊഡക്ഷൻ കൺട്രോളര്‍-എസ്.മുരുകൻ. പി.ആര്‍.ഒ-വാഴൂർ ജോസ്.