ജാസിമിന്റെ വീട് സ്പീക്കര്‍ സന്ദര്‍ശിച്ചു

ജാസിമിന്റെ റാസൽഖൈമയിലെ വീട് സന്ദര്‍ശിച്ച ശേഷം മാധ്യമ പ്രവര്‍ത്തകരോട് സംസാരിക്കുകയായിരുന്നു സ്പീക്കര്‍

ദുബൈയിൽ തീപിടിച്ച വിമാനത്തിലെ യാത്രക്കാരെ രക്ഷിക്കാൻ ശ്രമിക്കുന്നതിനിടെ മരിച്ച യുഎഇ അഗ്നിശമനസേനാംഗം ജാസിം ഈസാ ബലൂഷി മനുഷ്യരാശിക്ക് മാതൃകയാണെന്ന് നിയമസഭാ സ്പീക്കർ ശ്രീരാമകൃഷ്ണൻ‍. ജാസിമിന്റെ റാസൽഖൈമയിലെ വീട് സന്ദര്‍ശിച്ച ശേഷം മാധ്യമ പ്രവര്‍ത്തകരോട് സംസാരിക്കുകയായിരുന്നു സ്പീക്കര്‍. കേരള ജനതക്കും സര്‍ക്കാരിനും മലയാളികൾക്കും വേണ്ടി അനുശോചനം രേഖപ്പെടുത്തുന്നതായി ജാസിമിന്റെ കുടുംബത്തെ സ്പീക്കര്‍ അറിയിച്ചു. റാക് ചേതന ഭാരവാഹികളായ പ്രശാന്ത്,അബ്ദുറസാഖ്, പ്രഭാകരന്‍, സഹദേവന്‍ തുടങ്ങിയവർ സ്പീക്കർക്ക് ഒപ്പമുണ്ടായിരുന്നു.