ഒമാനില്‍ മുവാസലാത്ത്​ ടാക്സി സർവീസ്​ ആരംഭിച്ചു

മസ്കത്ത്​ അന്താരാഷ്ട്ര വിമാനത്താവളത്തിൽ നിന്നും കൊമേഴ്സ്യൽ കോംപ്ലക്​സുകൾ, മാളുകൾ, എന്നിവക്ക്​ പുറമെ ഓൺ ഡിമാന്റ്​ ടാക്സി സേവനങ്ങളുമാകും ആദ്യഘട്ടത്തിൽ മുവാസലാത്ത്​ ലഭ്യമാക്കുക

ഒമാനിലെ ദേശീയ പൊതുഗതാഗത കമ്പനി മുവാസലാത്ത്​ ടാക്സി സർവീസ്​ ആരംഭിച്ചു . മസ്കത്ത്​ അന്താരാഷ്ട്ര വിമാനത്താവളത്തിൽ നിന്നും കൊമേഴ്സ്യൽ കോംപ്ലക്​സുകൾ, മാളുകൾ, എന്നിവക്ക്​ പുറമെ ഓൺ ഡിമാന്റ്​ ടാക്സി സേവനങ്ങളുമാകും ആദ്യഘട്ടത്തിൽ മുവാസലാത്ത്​ ലഭ്യമാക്കുക.

ശനി മുതൽ വ്യാഴം വരെ പകൽ സമയത്ത്​ മാളുകളിൽനിന്നുള്ള ടാക്സികൾക്ക്​ മിനിമം ചാർജ്​ ഒരു റിയാലും കാൾ ടാക്സികൾക്ക്​ 1.2 റിയാലും ആയിരിക്കും. അധികം വരുന്ന ഓരോ കിലോമീറ്ററിനും 300 ബൈസ വീതം യാത്രക്കാർ നൽകണം. രാത്രി മാളുകളിൽനിന്നുള്ള ടാക്​സികൾക്ക്​ മിനിമം ചാർജ്​ 1.3 റിയാലും കാൾ ടാക്​സികൾക്ക്​ 1.5 റിയാലും ആയിരിക്കും. രാത്രി ഓരോ കിലോമീറ്ററിനും 350 ബൈസ ഈടാക്കും. പ്രമോഷൻ ഓഫറായാണ്​ഈ ചാർജ്​ ഈടാക്കുന്നതെന്നും ദേശീയ ഗതാഗത കമ്പനിയായ മുവാസലാത്ത്​ അറിയിച്ചു. മാളുകളിൽനിന്ന്​ 125 ടാക്സികളായിരിക്കും സർവീസ്​​ നടത്തുക. 2018 ജനുവരി ഒന്നിന്​ 100 വിമാനത്താവള ടാക്സികളും പുറത്തിറക്കും.