ഈദ് അവധി ആഘോഷം പ്രമാണിച്ച് ദുബൈയിലും അബൂദബിയിലും സൗജന്യ പാര്ക്കിങ്ഈദ് അവധി ആഘോഷം പ്രമാണിച്ച് ദുബൈയിലും അബൂദബിയിലും സൗജന്യ പാര്‍ക്കിങ്
|അടുത്ത ഏതാനും ദിവസങ്ങൾ പൊതുഗതാഗത രംഗത്ത് കൂടുതൽ സർവീസുകൾ ഏർപ്പെടുത്തുമെന്നും അധികൃതർ അറിയിച്ചു
ഈദ് അവധി ആഘോഷം പ്രമാണിച്ച് ദുബൈയിലും അബൂദബിയിലും സൗജന്യ പാർക്കിങ് സൗകര്യം. അടുത്ത ഏതാനും ദിവസങ്ങൾ പൊതുഗതാഗത രംഗത്ത് കൂടുതൽ സർവീസുകൾ ഏർപ്പെടുത്തുമെന്നും അധികൃതർ അറിയിച്ചു.
സൗജന്യ പാർക്കിങ്ങ് സംവിധാനം വെള്ളിയാഴ്ച മുതൽ തന്നെ നടപ്പിലാകും. പെരുന്നാൾ 25ന് ഞായറാഴ്ചയാണെങ്കിൽ 28ാം തീയതി രാവിലെ 8 വരെയും പെരുന്നാൾ തിങ്കളാഴ്ചയായാൽ ഒന്നാം തീയതി രാവിലെ 8 വരെയുമാണ് സൗജന്യ പാർക്കിംഗ് ലഭിക്കുകയെന്ന് അബൂദബിയിലെ ഇൻറഗ്രേറ്റഡ് ട്രാന്‍സ്പോർട്ട് സെന്റര്‍ , ദുബൈ റോഡ് ഗതാഗത അതോറിറ്റി എന്നിവയുടെ അധികൃതർ അറിയിച്ചു. നിയമങ്ങൾ പാലിക്കണമെന്നും വാഹനങ്ങൾ ഇടുന്നത് പൊതു പാർക്കിങ് ഇടങ്ങളിൽ ആണ് എന്ന് ഉറപ്പാക്കണമെന്നും അധികൃതർ ഓർമിപ്പിച്ചു.
ദുബൈ ഫിഷ് മാർക്കറ്റ്, ബഹുനില പാർക്കിംഗ് കേന്ദ്രങ്ങൾ എന്നിവിടങ്ങളിൽ ഈ സൗജന്യം ലഭ്യമാവില്ല. 25ന് പെരുന്നാളായാൽ അബൂദബി നഗരസഭാ ഗതാഗത അതോറിറ്റി യുടെ ഉപഭോക്തൃ സേവന കേന്ദ്രങ്ങളുടെ ഈദ് അവധി 28 വരെയാണ്. 26നാണെങ്കിൽ ഇത് ജൂലൈ ഒന്നു വരെ തുടരും.
അബൂദബി അൽ ഐൻ റൂട്ടിൽ ഒഴികെ എമിറേറ്റിലെ ബസ് സർവീസുകൾ സാധാരണ ഷെഡ്യൂൾ പ്രകാരം തന്നെ തുടരും. ഈ റൂട്ടിൽ രാവിലെ സാധാരണ നിലയിൽ ബസുകൾ ഓടും. ഒരു മണി മുതൽ ആറു വരെ എല്ലാ 15 മിനിറ്റിലും ബസുകളുണ്ടാവും. ദുബൈ മെട്രോ, ബസ്, വാട്ടർ ടാക്സി എന്നിവയുടെ സർവീസ് സമയം ദീർഘിപ്പിച്ചിട്ടുണ്ട്.