മാര്‍ ക്രിസോസ്റ്റം മെത്രാപ്പൊലീത്തയ്ക്ക് കുവൈത്തില്‍ നിന്നൊരു സംഗീത ഉപഹാരം

കുവൈത്തിലെ വിവിധ ക്രൈസ്തവ സഭകളിലെ കലാകാരന്മാർ ചേർന്നാണ് ആശംസാഗാനം ഒരുക്കിയത്

ജന്മ ശദാബ്ദിയുടെ നിറവിൽ നിൽക്കുന്ന ഡോ ഫിലിപ്പോസ് മാർ ക്രിസോസ്റ്റം മാർത്തോമാ വലിയ മെത്രാപ്പോലീത്തക്ക് കുവൈത്തിൽ നിന്നൊരു സംഗീത ഉപഹാരം . കുവൈത്തിലെ വിവിധ ക്രൈസ്തവ സഭകളിലെ കലാകാരന്മാർ ചേർന്നാണ് ആശംസാഗാനം ഒരുക്കിയത്.

മാർ ക്രിസ്റ്റോസ്റ്റം വലിയ മെത്രാപ്പോലീത്തയോട് വിശ്വാസികൾക്കുള്ള സ്നേഹവും ബഹുമാനവും വിളിച്ചറിയിക്കുന്നതാണ് നൂറിന്റെ നിറവിൽ തിരുമേനി എന്ന സംഗീത വീഡിയോ. പ്രവാസികളുടെ ആശംസാഗാനത്തിന് സാമൂഹ്യമാധ്യമങ്ങളിലൂടെ മികച്ച പ്രതികരണമാണ് ലഭിക്കുന്നതെന്ന്‌ അണിയറപ്രവർത്തകർ പറഞ്ഞു.

ബിജോയ് ജേക്കബ് മാത്യു രചനയും വിനോദ് ടി.സംഗീതവും നിർവഹിച്ച ഗാനം കുവൈത്തിലെ വിവിധ ക്വയർ ഗായകർ ചേർന്നാണ് ആലപിച്ചത് . ലിനു കീഴില്ലമാണ് ഓർക്കസ്‌ട്രേഷൻ.