ബഹ്‌റൈനില്‍ കോവിഡ് പ്രോട്ടോകോള്‍ ലംഘനം: സ്ഥാപനങ്ങള്‍ക്കെതിരെ നടപടി

ബഹ്‌റൈനില്‍ കോവിഡ്​ പ്രോ​ട്ടോകോൾ ലംഘനം കണ്ടെത്തിയ സ്​ഥാപനങ്ങൾക്കെതിരെ നടപടി സ്വീകരിച്ചതായി പബ്ലിക്​ പ്രൊസിക്യൂഷൻ അറിയിച്ചു. ​ആരോഗ്യ മ​ന്ത്രാലയത്തിലെ പബ്ലിക്​ ഹെൽത്​ ഡിപ്പാർട്ട്​മെന്‍റിൽ നിന്നുള്ള പരാതി പ്രകാരം ഏഴ്​ സ്​ഥാപനങ്ങൾക്കെതിരെയായിരുന്നു നടപടി.

വാക്​സിൻ പൂർത്തിയാക്കാത്ത ഉപഭോക്​താക്കളെ സ്​ഥാപനത്തിനുള്ളിൽ പ്രവേശിപ്പിക്കുക, സാമൂഹിക അകലം പാലിക്കാതിരിക്കുക, മാസ്​ക്​ ധരിക്കാതിരിക്കുക തുടങ്ങിയ നിയമ ലംഘനങ്ങളാണ്​ കണ്ടെത്തിയത്​. സ്​ഥാപനങ്ങളുടെ പ്രവർത്തനം നിർത്തിവെക്കാൻ ഉത്തരവിടുകയും 1000 മുതൽ 2000 ദിനാർ വരെ പിഴ ചുമത്തുകയും ചെയ്​തു. മൊത്തം 21,000 ദിനാറിന്‍റെ പിഴയാണ്​ ചുമത്തിയത്​