അഫ്ഗാനിൽ നിന്നും കൂടുതൽ പേരെ ഒഴിപ്പിക്കാൻ ഗൾഫ് രാജ്യങ്ങളുടെ പിന്തുണ തേടി ഇന്ത്യ

കാബൂൾ വിമാനത്താവളം പ്രവർത്തനക്ഷമമാകുന്നതോടെ കൂടുതൽ പേരെ ഒഴിപ്പിക്കാൻ ലക്ഷ്യമിട്ട്​ ഇന്ത്യ ഉൾപ്പെടെ ലോക രാജ്യങ്ങൾ ഗൾഫ്​ രാജ്യങ്ങളുടെ പിന്തുണ തേടുന്നു.അബൂദബി കിരീടാവകാശി ശൈഖ്​ മുഹമ്മദുമായി പ്രധാനമന്ത്രി നരേന്ദ്ര മോദി ടെലിഫോണിൽ സംസാരിച്ചു. ഖത്തർ ഉൾപ്പെടെ മറ്റു ഗൾഫ്​ രാജ്യങ്ങളുമായും ഇന്ത്യ സംസാരിച്ച് വരികയാണ്. അതിനിടെ, ദുരിതമനുഭവിക്കുന്ന അഫ്​ഗാൻ ജനതക്കുള്ള ഭക്ഷ്യക്കിറ്റുകളുടെ വിതരണം​ ഗൾഫ്​ രാജ്യങ്ങൾ ആരംഭിച്ചു.

അഫ്​ഗാനിൽ ഭീഷണി നേരിടുന്ന ആയിരങ്ങളെ ഒഴിപ്പിക്കാൻ സഹായിക്കണമെന്ന്​ നാറ്റോ സെക്രട്ടറി ജനറൽ ജെൻസ്​ സ്​റ്റോൾട്ടൻബർഗ്​ ഖത്തർ അമീറിനോടും വിദേശകാര്യ മന്ത്രിയോടും ആവശ്യപ്പെട്ടു. അബൂദബി കിരീടാവകാശി ശൈഖ്​ മുഹമ്മദുമായി ഇന്ത്യൻ പ്രധാനമന്ത്രി നരേന്ദ്ര മോദി ടെലിഫോണിൽ സംസാരിച്ചു. അഫ്​ഗാൻ വിഷയം തന്നെയാണ്​ പ്രധാന ചർച്ചയായത്​. ഖത്തർ ഉൾപ്പെടെ മറ്റു ഗൾഫ്​ രാജ്യങ്ങളുമായും ഇന്ത്യ ആശയവിനിമയം തുടരുകയാണ്​. ദുരിതമനുഭവിക്കുന്ന അഫ്​ഗാൻ ജനതയെ സഹായിക്കാൻ വൻതോതിൽ ഭക്ഷ്യവിഭവങ്ങളും മറ്റും അയക്കുന്ന പ്രക്രിയക്ക്​ ഗൾഫ്​ രാജ്യങ്ങൾ തുടക്കം കുറിച്ചു