ഹൃദയാഘാതം: കായംകുളം സ്വദേശി ഒമാനിൽ നിര്യാതനായി

മസ്‌കത്ത്: കായംകുളം സ്വദേശി ഹൃദയാഘാതത്തെ തുടർന്ന് ഒമാനിൽ നിര്യാതനായി. കോയിക്കൽ വാർഡിൽ മഞ്ഞാടിത്തറ മഠത്തിൽകിഴക്കത്തിൽ ശ്രീകുമാർ (54) ആണ് മരിച്ചത്. 25 വർഷമായി മസ്‌കത്തിലെ മൊബേല സനയ്യയിൽ മെക്കാനിക്കൽ ജോലി ചെയ്തുവരികയായിരുന്നു. ഭാര്യ: ജ്യോതി. രണ്ട് പെണ്മക്കളുണ്ട്. നടപടി ക്രമങ്ങൾ പൂർത്തികരിച്ചു മൃതദേഹം നാട്ടിലെത്തിച്ചതായി സാമൂഹ്യപ്രവർത്തകരായ നൗഫൽ, പി.ടി. അനിൽകുമാർ, പ്രസാദ് ആലപ്പുഴ എന്നിവർ അറിയിച്ചു.