രക്ഷിതാക്കളുടെ ഇടപ്പെടലുകൾ ഫലം കണ്ടു; മസ്കത്ത് ഇന്ത്യൻ സ്കൂൾ ഓപൺ ഫോറം ഫെബ്രുവരി 29ന്

മസ്കത്ത്: ര​ക്ഷി​താ​ക്ക​ളു​ടെ ഇ​ട​പ്പെ​ട​ലു​ക​ൾ ഫ​ലം ക​ണ്ടു. ഏറെ കാലത്ത്​ ഇടവേളക്കുശേഷം മസ്കത്ത്​ ഇന്ത്യൻ സ്കൂളിലെ ഓപൺ ഫോറം ഫെബ്രുവരി 29ന്​ നടക്കും. ഇത്​ സംബന്ധിച്ച സർക്കുലർ സ്കൂൾ അധികൃതർ രക്ഷിതാക്കൾക്ക്​ കൈമാറി.

മസ്കത്ത്​ ഇന്ത്യൻ സ്കൂളിലെ പുതിയ മൾട്ടിപർപ്പസ് ഹാളിലായിരിക്കും ഓപ്പൺ ഫോറം നടക്കുക. വൈകുന്നേരം 6.30 മുതൽ 8.00 മണിവരെ ഉള്ള സമയത്താണ് ഓപ്പൺ ഫോറം. സ്‌കൂളിന്‍റെ തുടർച്ചയായ പുരോഗതിക്കായി സ്‌കൂളും രക്ഷിതാക്കളും തമ്മിലുള്ള സഹകരണം ശക്തിപ്പെടുത്തുകയാണ് ഇതിലൂടെ ലക്ഷ്യമിടുന്നതന്ന്​ പ്രിൻസിപ്പൽ രാകേഷ്​ ജോഷി അയച്ച സർക്കുലറിൽ പറയുന്നു.

ഓപ്പൺ ഫോറത്തിലേക്കുള്ള ചോദ്യങ്ങൾ മുൻകൂട്ടി ഗുഗിൾ ഫോം വഴി സമർപ്പിക്കണം. ഓപ്പൺ ഫോറത്തിന്‍റെ സുഗമമായ നടത്തിപ്പ്​ ലക്ഷ്യമിട്ടും സമാനമായ​ ചോദ്യങ്ങൾ ആവർത്തിക്കുന്നത്​ ഒഴിവാക്കാനുമാണ്​ മുൻകൂട്ടി ചോദ്യങ്ങൾ ക്ഷണിക്കുന്നതെന്ന്​ സ്കൂൾ അധികൃതർ അറിയിച്ചു.

ഗൂഗിൾഫോം വിദ്യാർഥിയുടെ സ്‌കൂളിന്‍റെ ഔദ്യോഗിക ഇമെയിൽ ഐഡി ഉപയോഗിച്ച് ലോഗിൻ ചെയ്താണ്​ പൂരിപ്പിക്കേണ്ടത്​. ചോദ്യങ്ങൾ സമർപ്പിക്കാനുള്ള അവസാന തീയതി ​​ഫെബ്രുവരി 22 ആണ്​. മസ്കത്ത്​ ഇന്ത്യൻ സ്കൂളിലെ വിദ്യാർഥികളുടെ രക്ഷിതാക്കൾക്ക്​​ മാത്രമായിരികും ഓപൺഫോറത്തിൽ പ​ങ്കെടുക്കാൻ സാധിക്കുക. രക്ഷിതാക്കൾ വിദ്യാർഥികളുടെ യഥാർഥ റസിഡൻറ് കാർഡിനൊപ്പം​,വിദ്യാർഥിയുടെ ക്ലാസ്​, ജി.ആർ​ നമ്പർ എന്നീ വിവരങ്ങളുമായാണ്​ ഓപൺ ഫോറത്തിൽ പ​​ങ്കെടുക്കാനെത്തേണ്ടത്​.

അഭിപ്രായങ്ങളും നിർദ്ദേശങ്ങളം മറ്റും മാനേജ്‌മെൻറ്​ കമ്മിറ്റി, സ്കൂൾ അഡ്​മിനിസ്​ട്രേഷൻ, ബോഡ്​ ഓഫ്​ ഡയറ്​ക്​ടേഴ്​സ്​ എന്നിവയെ അഭിസംബോധനം ചെയ്തുള്ളവയായിരിക്കണം. വ്യക്​തി ​കേന്ദ്രീകൃതമാകരുത്​. ഓപൺ ഫോറ സസമയത്ത്​ സ്കൂൾ പരിസരത്ത് ഓഡിയോ, വീഡിയോ റെക്കോർഡ് എന്നിവ ചെയ്യാൻ പാടില്ലെന്നും സർക്കുലറിൽ പറയുന്നു. ഇന്ത്യൻ സ്​കൂളുകളിൽ ഓപൺ ഫോറം പുനരാരംഭിക്കലും അക്കാദമികവും മറ്റനുബന്ധ വിഷയങ്ങളും ചൂണ്ടിക്കാട്ടി നിരവധി തവണ വിവിധ രക്ഷിക്കളുടെ കൂട്ടാമയുടെ നേതൃത്വത്തിൽ ഡയറക്ടർ ബോർഡ്‌ ചെയർമാനുമായി ചർച്ച നടത്തിയിരുന്നു.