ദോഫാറിലേക്കുള്ള റോഡ്ട്രിപ്പിലാണോ? ഇക്കാര്യം മറക്കരുത്...

മസ്‌കത്ത്: ഖരീഫ് സീസണിൽ ഒമാനിൽ നിന്നും അയൽരാജ്യങ്ങളിൽ നിന്നും ദോഫാർ ഗവർണറേറ്റിലെ സലാലയിലേക്കുള്ള വിനോദസഞ്ചാരികളിൽ ഭൂരിഭാഗവും റോഡ് മാർഗം യാത്ര ചെയ്യാനാണ് ഇഷ്ടപ്പെടുന്നതെന്ന് നാഷണൽ സെന്റർ ഫോർ സ്റ്റാറ്റിസ്റ്റിക്സ് ആൻഡ് ഇൻഫർമേഷൻ (എൻസിഎസ്‌ഐ). 2023ൽ 75.1 ശതമാനം അഥവാ 722,795 സന്ദർശകരും 2019ൽ 610,491 സന്ദർശകരും 2022ൽ 647,301 സന്ദർശകരും ഒമാന്റെ തെക്ക് ഭാഗത്തുള്ള ദോഫാറിലേക്ക് റോഡ് മാർഗം യാത്ര ചെയ്തു. 24.9 ശതമാനം അല്ലെങ്കിൽ 239,401 സന്ദർശകർ മാത്രമാണ് വിമാനത്തിൽ യാത്ര ചെയ്തത്.

ഖരീഫ് സീസണിൽ ദോഫാർ ഗവർണറേറ്റിലെ ഇന്ധനം നിറയ്ക്കുന്ന സ്റ്റേഷനുകളിലെ വർദ്ധനവ് കൂടി കണക്കിലെടുത്താണ് റോഡ് മാർഗം സഞ്ചരിക്കുന്ന ഒമാനിലെ ജിസിസി രാജ്യങ്ങളിലെയും പൗരന്മാരുടെയും പ്രവാസികളുടെയും എണ്ണമെടുത്തത്.

2023ൽ ആകെയുള്ള 666,307 ഖരീഫ് വിനോദസഞ്ചാരികളിൽ 190,853 പേർ ജിസിസി രാജ്യങ്ങളിൽ നിന്നുള്ളവരായിരുന്നു. മുൻവർഷത്തെ അപേക്ഷിച്ച് 19.8 ശതമാനം വർധനവാണിത്.

രാത്രിയിൽ പലരും 12 മണിക്കൂറും 1,200 കിലോമീറ്ററും ദൂരം സഞ്ചരിക്കുന്നതിനാൽ ചില മാർഗനിർദേശങ്ങൾ പാലിക്കണമെന്ന് റോയൽ ഒമാൻ പൊലീസ് (ROP) നിർദേശിച്ചിരിക്കുകയാണ്...

നിർദേശങ്ങൾ:

വിൻഡ്ഷീൽഡ് വൃത്തിയാക്കുക

വിൻഡ്ഷീൽഡിന്റെ അകത്തും പുറത്തും പൊടി അടിഞ്ഞുകൂടുന്നത് രാത്രിയിൽ കാഴ്ച കുറയ്ക്കും. അതിനാൽ വിൻഡ്ഷീൽഡ് പൂർണമായും വൃത്തിയാക്കണം

ലൈറ്റുകൾ പരിശോധിക്കുക

ഹെഡ്‌ലൈറ്റുകളും ടെയിൽലൈറ്റുകളും പ്രവർത്തനക്ഷമമാണെന്ന് ഉറപ്പാക്കുക. സൂര്യാസ്തമയത്തിന് ഒരു മണിക്കൂർ മുമ്പ് നിങ്ങളുടെ കാർ ലൈറ്റുകൾ ഓണാക്കാൻ മടിക്കരുത്, കാരണം മറ്റു ഡ്രൈവർമാർക്ക് ലൈറ്റിലൂടെ നിങ്ങളുടെ വാഹനത്തെ തിരിച്ചറിയാനാകും

മറ്റ് വാഹനങ്ങളുടെ ലൈറ്റുകളിലേക്ക് നോക്കരുത്

നിങ്ങളുടെ നേരെ വരുന്ന കാറുകളുടെ ഹെഡ്ലൈറ്റുകളിലേക്ക് നേരിട്ട് നോക്കാതിരിക്കാൻ ശ്രമിക്കുക. പകരം, തെരുവിലെ വെളുത്ത വരയിൽ ശ്രദ്ധ കേന്ദ്രീകരിച്ച് വലത്തോട്ടും ഇടത്തോട്ടും നോക്കാൻ പരമാവധി ശ്രമിക്കുക. കാറിന്റെ ഹെഡ്ലൈറ്റുകൾ നിങ്ങളുടെ കണ്ണുകളെ ബാധിക്കാതിരിക്കാൻ ഇത് സഹായിക്കും.

സുരക്ഷിത അകലം പാലിക്കുക

വേഗത കുറയ്ക്കുകയും കൂട്ടിയിടികൾ ഒഴിവാക്കുകയും ചെയ്യുന്നത് എല്ലാ യാത്രക്കാരുടെയും ജീവൻ രക്ഷിക്കുന്ന കാര്യമാണ്. രാത്രിയിൽ കാർ പെട്ടെന്ന് നിർത്തുമ്പോൾ റോഡിന്റെ സൈഡിൽ പാർക്ക് ചെയ്യാൻ ശ്രദ്ധിക്കുക. ഹസാർഡ് ലൈറ്റുകൾ ഓണാക്കുക, മറ്റുള്ളവർക്ക് വാഹനം തിരിച്ചറിയാൻ എല്ലാ ലൈറ്റുകളും ഓണാക്കുക. നിങ്ങളുടെ കാറിനുള്ളിലാണ് ഏറ്റവും സുരക്ഷിതമായ കാത്തിരിപ്പ് സ്ഥലം എന്ന് ഓർക്കുക.

ടെക്സ്റ്റ് അയയ്ക്കുക, റേഡിയോ ഓണാക്കുക, കാറിൽ ഭക്ഷണം കഴിക്കുക എന്നിങ്ങനെ ശ്രദ്ധ തെറ്റിക്കുന്ന കാര്യങ്ങൾ ചെയ്യാതിരിക്കുക

കാൽനടയാത്രക്കാരെ ശ്രദ്ധിക്കുക

കാൽനടയാത്രക്കാർ പ്രതിഫലിക്കുന്ന വസ്ത്രങ്ങൾ ധരിച്ച് രാത്രി നടക്കരുത്. വെളിച്ചം കുറഞ്ഞ റോഡുകളിൽ ശ്രദ്ധാപൂർവം നടക്കുക.

മൂടൽമഞ്ഞിൽ ശ്രദ്ധാപൂർവം വാഹനമോടിക്കാം

മൂടൽമഞ്ഞുള്ള കാലാവസ്ഥയിൽ വാഹനങ്ങൾ ഓടിക്കുമ്പോൾ ജാഗ്രത പാലിക്കണം, മുൻകരുതലുകൾ സ്വീകരിക്കണം

കണ്ണാടിയും വിൻഡോകളും വൃത്തിയുള്ളതാണെന്ന് ഉറപ്പാക്കുക

യാത്ര ആരംഭിക്കുന്നതിന് മുമ്പ് കാറിലെ കണ്ണാടികൾ, വിൻഡോകൾ എന്നിവ വൃത്തിയാക്കുക, ഗ്ലാസിൽ നിന്ന് നീരാവി നീക്കം ചെയ്യുന്നതിനായി വെന്റിലേഷൻ ദ്വാരങ്ങൾ ഉപയോഗിക്കുക, പരമാവധി കാഴ്ച ലഭിക്കുന്നതിന് ഗ്ലാസ് ക്ലീനിംഗ് വൈപ്പറുകൾ ഉപയോഗിക്കുക, ഉയർന്ന ഊഷ്മാവിൽ കാർ എയർകണ്ടീഷണർ ഉപയോഗിക്കുക.

മൂടൽമഞ്ഞുള്ള സാഹചര്യത്തിൽ ഫോർ-വേ വാണിംഗ് ലൈറ്റുകൾ ഉപയോഗിക്കുന്നത് സാധാരണ പിഴവാണ്. ചില ഡ്രൈവർമാർ അങ്ങനെ ചെയ്യുന്നത് തങ്ങളെ മറ്റുള്ളവർ കാണാനുള്ള സാധ്യത വർദ്ധിപ്പിക്കുമെന്ന് കരുതിയിട്ടാണ്. എന്നാൽ റോഡിന്റെ സൈഡിൽ പൂർണമായും നിർത്തുമ്പോൾ നാല് ദിശയിലുള്ള മുന്നറിയിപ്പ് ലൈറ്റുകൾ ഉപയോഗിക്കുക എന്നതാണ് ശരിയായ കാര്യം.

വിൻഡോകൾ തുറന്നിടുക

ദൂരക്കാഴ്ച വളരെ കുറവാണെങ്കിൽ വിൻഡോകൾ തുറക്കുന്നിതിലൂടെ എതിരെ വരുന്ന കാറുകളുടെ ശബ്ദം ഡ്രൈവർക്ക് കേൾക്കാനാകും, പ്രത്യേകിച്ച് ട്രാഫിക് കൂടുതലില്ലാത്ത ഗ്രാമപ്രദേശങ്ങൾ പോലുള്ള സ്ഥലങ്ങളിൽ.