മിഡിൽ ഈസ്റ്റ് സർവീസുകൾ വ്യാപിപ്പിക്കാനൊരുങ്ങി​ 'വിസ്താര'

ഇന്ത്യയിൽ നിന്ന്​ മിഡിൽ ഈസ്റ്റ് ​ രാജ്യങ്ങളിലേക്കുള്ള വിമാന സർവീസുകൾ വ്യാപിപ്പിക്കാനൊരുങ്ങി വിസ്താര എയർലൈൻ. ഇതിന്‍റെ ഭാഗമായി മുംബൈ-മസ്കത്ത്​ പ്രതിദിന സര്‍വീസ് ആരംഭിച്ചതായി വിസ്താര സി.ഇ.ഒ വിനോദ് കണ്ണന്‍ പറഞ്ഞു.

ഗൾഫിലെ നാലാമത്തെ ലക്ഷ്യസ്ഥാനമാണിത്​. ടാറ്റ ഗ്രൂപ്പിന്‍റെയും സിംഗപ്പൂര്‍ എയര്‍ലൈന്‍സിന്‍റെയും സംയുക്ത സംരംഭമായ വിസ്താര വർധിച്ച ഡിമാന്‍റ്​ പരിഗണിച്ചാണ് നെറ്റ്‌വര്‍ക്ക്​ വിപുലപ്പെടുത്തുന്നത്​. നാല് മാസത്തിനുള്ളില്‍ വിസ്താര നെറ്റ്‌വര്‍ക്കിലേക്ക് ചേര്‍ത്ത മൂന്നാമത്തെ ഗള്‍ഫ് നഗരമാണ് മസ്‌കത്ത്. അബുദാബിയും ജിദ്ദയും നേരത്തെ സർവീസ് തുടങ്ങിയിരുന്നു.