റൗളാ ശരീഫിലെത്തുന്ന വിശ്വാസികൾക്കു നിയന്ത്രണം; പ്രവേശനം ഇനി വർഷത്തിൽ ഒരിക്കൽ മാത്രം

റിയാദ്: മദീനയിലെ റൗളാ ശരീഫിലേക്ക് വിശ്വാസികൾക്കുള്ള പ്രവേശനത്തില്‍ നിയന്ത്രണമേര്‍പ്പെടുത്തി. ഇനി വർഷത്തിൽ ഒരു തവണ മാത്രമായിരിക്കും റൗളയിലേക്കുള്ള പ്രവേശനം.

സൗദി ഹജ്ജ്-ഉംറ മന്ത്രാലയമാണ് ഇക്കാര്യം അറിയിച്ചത്. തിരക്ക് വര്‍ധിക്കുന്ന സാഹചര്യത്തിലാണു തീരുമാനം. ഒരു തവണ സന്ദർശിച്ചാൽ പിന്നീട് 365 ദിവസത്തിനുശേഷം മാത്രമേ പെർമിറ്റ് അനുവദിക്കുകയുള്ളൂ.

പ്രവാചകന്റെ വീടിന്റെയും പള്ളിയുടെ മിമ്പറിന്‍റെയും ഇടയിലുള്ള ഭാഗമാണ് റൗള എന്നറിയപ്പെടുന്നത്. പരിപാവനമായി കല്‍പ്പിക്കപ്പെടുന്ന ഈ സ്ഥലത്തേക്ക് പെർമിറ്റ് വഴിയാണ് കോവിഡിനുശേഷം പ്രവേശനം അനുവദിക്കുന്നത്.

Summary: The Saudi Ministry of Hajj and Umrah has restricted the entry of believers to Rawdah in the Prophet's Mosque in Madinah. Now entry to Rawdah will be only once a year