Saudi Arabia
Saudi Arabia
ലോറി പള്ളിയിലേക്ക് ഇടിച്ചു കയറി അഞ്ചു പേര്‍ക്ക് പരിക്ക്
|28 Dec 2021 9:06 AM GMT
അപകടത്തതുടര്‍ന്ന് പള്ളിയുടെ മതിലുകള്‍ തകര്‍ന്നു
ജിദ്ദ: നിയന്ത്രണംവിട്ട ലോറി പള്ളിയിലേക്ക് ഇടിച്ചു കയറി അഞ്ചു പേര്‍ക്ക് പരുക്കേറ്റു. ജിദ്ദയിലെ അല്‍ റവാബി പ്രദേശത്തെ ഒരു പള്ളിയിലേക്കാണ് ഡ്രൈവര്‍ക്ക് നിയന്ത്രണം നഷ്ടപ്പെട്ടതു മൂലം വാഹനം ഇടിച്ചുകയറിയത്. പള്ളിയില്‍ പ്രാര്‍ത്ഥന നടക്കുന്ന സമയമായതിനാലാണ് അഞ്ചുപേര്‍ അപകടത്തില്‍ പെട്ടത്. ഇവരെ ഉടന്‍തന്നെ ആശുപത്രിയിലേക്ക് മാറ്റിയിട്ടുണ്ട്.
അപകടത്തതുടര്‍ന്ന് പള്ളിയുടെ മതിലുകള്‍ തകര്‍ന്നു. ജനറല്‍ ഡയറക്ടറേറ്റ് ഓഫ് ട്രാഫിക് വിഭാഗം സംഭവം സ്ഥിരീകരിക്കുകയും അപകടത്തില്‍പെട്ടവര്‍ക്ക് അടിയന്തിര ചികിത്സ ഉറപ്പാക്കുമെന്നും അറിയിച്ചു.