സൗരോർജത്തിലൂടെ ജലശുദ്ധീകരണം; കൂറ്റൻ പ്ലാൻറ്​ നിർമിക്കാൻ ദുബൈ

ദുബൈയിൽ സൗരോർജം ഉപയോഗിച്ച്​ കടൽ വെള്ളം ശുദ്ധീകരിക്കുന്ന കൂറ്റൻ പ്ലാന്‍റ്​ വരുന്നു. ദുബൈ വാട്ടർ ആൻഡ് ​ഇലക്​ട്രിസിറ്റി അതോറിറ്റിയാണ്​ പദ്ധതിക്ക്​ മേൽനോട്ടം വഹിക്കുന്നത്​. ആദ്യ ഘട്ട നിർമാണത്തിന്​ സൗദി അറേബ്യൻ കമ്പനിക്ക് ​അധികൃതർ കരാർ കൈമാറി.

സൗദി അറേബ്യയിലെഎ.സി.ഡബ്ല്യു.എ എന്നകമ്പനിയാണ്​ 91.4 കോടി ദിർഹം ചെലവ് ​പ്രതീക്ഷിക്കുന്ന കടൽവെള്ള ശുദ്ധീകരണ പദ്ധതിയുടെ ഒന്നാം ഘട്ട നിർമാണത്തിന് ​കരാർ സ്വന്തമാക്കിയത്​. പ്രതിദിനം 180 ദശലക്ഷം ഗാലൻ ശുദ്ധജലം ഉത്​പാദിപ്പിക്കാൻ പ്രാപ്​തിയുള്ള പ്ലാന്‍റിന്‍റെ നിർമാണവും പ്രവർത്തനവും സൗദി കമ്പനി ഏറ്റെടുത്തു.

ദീവയുടെ ആദ്യ സ്വതന്ത്ര ജല ശുദ്ധീകരണ പദ്ധതിയാണിത്​. പ്ലാന്‍റ് ​നിർമിക്കുന്നതിനായി 29 അന്താരാഷ്ട്ര കമ്പനികളിൽ ടെന്റർ ലഭിച്ചിരുന്നു​. കഴിഞ്ഞ വർഷം ഒക്​ടോബർ 18ന്​ ​ലേലത്തിൽ പ​ങ്കെടുക്കാൻ യോഗ്യതയുള്ള ആറു കമ്പനികളുടെ പേരുകൾ പ്രസിദ്ധീകരിച്ചു. ​ഏറ്റവും കുറഞ്ഞ തുക കോട്ട്​ ചെയ്ത സൗദി അറേബ്യയുടെ എ.സി.ഡബ്ല്യൂ.എക്ക്​ കരാർ നൽകുകയായിരുന്നു​. പ്രതിദിനം 490 ഗാലൺ ഉപ്പുവെളളം സംസ്​കരിക്കാനുള്ള സംവിധാനം നിലവിൽ ഉണ്ട്​.

2026ൽ പുതിയ പ്ലാന്‍റ്​ പൂർത്തിയാവുന്നതോടെ ഉത്പാദനം പ്രതിദിനം 670 ഗാലൺ ആയി ഉയരും. 2030 ഓടെ 100 ശതമാനം ഉപ്പുവെള്ള സംസ്​കരണം യാഥാർഥ്യമാകുമെന്ന്​​ദീവ എം.ഡിയും സി.ഇ.ഒയുമായ സഈദ്​മുഹമ്മദ്​അൽ തായർ പറഞ്ഞു. പദ്ധതികൾ പൂർണമായും പൂർത്തിയാകുന്നതോടെ പ്രതിദിന ജലശുദ്ധീകരണ തോത്​ 490 ഗാലണിൽ നിന്ന്​ 730 ഗാലണിൽ എത്തിച്ചേരും.