വിമാനത്താവളങ്ങൾ വഴിയുള്ള ചരക്കുഗതാഗതം പൂർണമായും ഡിജിറ്റൽവത്കരിക്കുന്നു

അബൂദബിയിലെ വിമാനത്താവളങ്ങൾ വഴിയുള്ള ചരക്കുഗതാഗതം പൂർണമായും ഡിജിറ്റൽവത്കരിക്കുന്നു. ഇതിനായി അബൂദബി പോർട്ടിന് കീഴിൽ രൂപം നൽകിയ ATLP, മഖ്ത ഗേറ്റ് വേ തുടങ്ങിയവ പുതിയ ഡിജിറ്റൽ സംവിധാനങ്ങൾ അവതരിപ്പിച്ചു.

അബൂദബിയിലെ അഞ്ച് വിമാനത്താവളങ്ങളിലെയും കാർഗോ നീക്കങ്ങൾ നിയന്ത്രിക്കുന്നതിന് ഇനി മുതൽ ഈ സംവിധാനത്തിലൂടെയായിരിക്കും.

അബൂദബി എയർപോർട്ട്സ് വകുപ്പ്, ഇത്തിഹാദ് എയർപോർട്ട് സർവീസ്, ഇത്തിഹാദ് കാർഗോ എന്നിവ ഈ പുതിയ ഡിജിറ്റൽ സംവിധാനവുമായി കൈകോർക്കും. ചരക്കുനീക്കം ഡിജിറ്റൽവൽകരിച്ച് നടപടികൾ ലളിതമാക്കുകയാണ് സംവിധാനത്തിന്റെ ലക്ഷ്യമെന്ന് അധികൃതർ പറഞ്ഞു.