ഹത്തയിലെ ഊർജ വൈദ്യുത പദ്ധതി; നിർമാണം പുരോഗമിക്കുന്നു

ദുബൈ: ദുബൈ ഹത്തയിൽ വൻകിട ഹൈഡ്രോ ഇലക്ട്രിക് പവർ പ്ലാന്റിന്റെ നിർമ്മാണം പുരോഗമിക്കുന്നു.കേന്ദ്രത്തിന്റെ 60 ശതമാനം നിർമ്മാണം പൂർത്തിയായെന്ന് ദുബൈ വാട്ടർ ആൻറ്​ ഇലക്​ട്രിസിറ്റി അധികൃതർ അറിയിച്ചു. മികച്ച ടൂറിസം കേന്ദ്രമായി മാറുന്ന ഹത്തയുടെ വികസനത്തിന്​ കരുത്ത്​ പകരുന്നതായിരിക്കും ഊർജ വൈദ്യുത പദ്ധതി.

1.42 ബില്യൻ ദിർഹം ചെലവിട്ടാണ്​ ദുബൈ ഹത്തയിൽ ഹൈഡ്രോ ഇലക്​ട്രിക്​ പവർ പ്ലാൻറ്​ നിർമിക്കുന്നത്​. പ്രദേശത്തി​െൻറ സമഗ്ര വികസനത്തിനായി രൂപപ്പെടുത്തിയ പദ്ധതികളിൽ ഒന്നാണിത്​. 250 മെഗാവാട്ട്​ഉൽപാസനദ ശേഷിയുള്ളതാണ്​ പദ്ധതി. എൺപതു വർഷം കുറ്റമറ്റ രീതിയിൽ പ്രവർത്തിക്കാൻ ഈ പ്ലാൻറിന്​ പ്രാപ്​തിയുണ്ടെന്നാണ്​ വിലയിരുത്തൽ. 2024 ആദ്യ പാദത്തിൽ പ്ലാൻറി​െൻറ നിർമാണം പൂർത്തീകരിക്കാനാണ്​ ലക്ഷ്യമിട്ടിരിക്കുന്നത്​.

ഗൾഫ്​ മേഖലയിൽ തന്നെ ഇത്തരമാരു പ്ലാൻറ്​ ​വേറെയില്ല. ജനങ്ങളുടെ ജീവിതം മെച്ച​പ്പെടുത്താനും ഹത്തയുടെ അവികസിതാവസ്​ഥ പരിഹരിക്കാനും നിരവധി പദ്ധതികൾക്കാണ്​ രൂപം നൽകിയിരിക്കുന്നത്​. ദുബൈ വാട്ടർ ആൻറ്​ ഇലക്​ട്രിസിറ്റി സി.ഇ.ഒ സഈദ്​ മുഹമ്മദ്​ അൽ തായർ പദ്ധതി പ്രദേശം സന്ദർശിച്ച്​ നിർമാണ പുരോഗതി വിലയിരുത്തി. ഹത്ത ഡാം പ്രദേശത്ത്​ രൂപം കൊള്ളുന്ന പവർ പ്ലാൻറ്​ പ്രദേശത്തെ ജനങ്ങൾക്കും പ്രഖ്യാപിത ടൂറിസം പദ്ധതികൾക്കും ഏറെ ഗുണം ചെയ്യുമെന്ന്​ അദ്ദേഹം പ്രതികരിച്ചു