കണ്ണൂർ വിമാനത്താവളത്തിന്റെ ദുരവസ്ഥ പരിഹരിക്കണം: മേയർ ടി.ഒ മോഹനൻ

കണ്ണൂർ വിമാനത്താവളത്തിന്റെ ദുരവസ്ഥ പരിഹരിക്കാൻ കേന്ദ്ര, സംസ്ഥാന സർക്കാറുകളുടെ ഭാഗത്തു നിന്ന്​ അടിയന്തര ഇടപെടൽ വേണമെന്ന്​ കണ്ണൂർ മേയർ ടി.ഒ മോഹനൻ.ഗൾഫിൽ നിന്ന്​ കൂടുതൽ വിമാന സർവീസുകൾ കണ്ണൂരിലേക്ക് ആവശ്യമാണെന്നും അദ്ദേഹം ദുബൈയിൽ വ്യക്​തമാക്കി.

കണ്ണൂർ വിമാനത്താവളത്തിന്റെ മുരടിപ്പ്​ മറികടക്കാൻ ശക്​തവും പ്രായോഗികവുമായ നടപടികൾ വൈകരുതെന്ന്​ അഭ്യർഥിച്ച മോഹനൻ പതിനായിരക്കണക്കിന്​ കണ്ണൂർ പ്രവാസികൾക്ക്​ വിമാനത്താവളം പൂർണമായ അർഥത്തിൽ പ്രയോജനപ്പെടുത്താൻ സാധിക്കാത്ത അവസ്ഥയാണുള്ളതെന്നും ഇതിൽ മാറ്റം വരണമെന്നും ചൂണ്ടിക്കാട്ടി.

ഷാർജയിൽ ദുബൈ കണ്ണൂർ കെ.എം.സി.സിയുടെ പ്രവാസോൽസവ പരിപാടിയിൽ പ​​ങ്കെടുക്കാൻ എത്തിയതായിരുന്നു കണ്ണൂർ മേയർ. ദുബൈയിലെ മീഡിയാവൺ, ഗൾഫ്​ മാധ്യമം ഓഫീസുകളും മേയർ സന്ദശിച്ചു.ബദറുദ്ദീൻ പനക്കാട്ട്​, ഇൻകാസ്​നേതാക്കളായ ബി.എ. നാസർ, അഖിൽ തൊടിക്കുളം എന്നിവരും മേയർക്കൊപ്പം സന്നിഹിതരായിരുന്നു