തണുപ്പുകാലമായി; ഇവ കഴിക്കൂ..ചുമയും ജലദോഷവും തടയാം
|സിട്രസ് പഴങ്ങൾ ഉച്ചഭക്ഷണത്തില്‍ ഉള്‍പ്പെടുത്തണമെന്ന് തന്‍വീ നിര്‍ദേശിക്കുന്നു
തണുപ്പുകാലമായാല്‍ ചുമയും ജലദോഷവും സാധാരണമാണ്. ഇവയ്ക്കൊപ്പം ക്ഷീണം,മയക്കം,ശരീരവേദന, പനി,തലവേദന, അടഞ്ഞ മൂക്ക്,തൊണ്ട വേദന എന്നിവ കൂടിയാകുമ്പോള്‍ ഒരാളെ തളര്‍ത്താന്‍ അതുമതി. നിങ്ങളെ ഈ ലക്ഷണങ്ങള്‍ അലട്ടുന്നുണ്ടെങ്കില്‍ അടുക്കളയില്‍ അതിനുള്ള പരിഹാരമുണ്ടെന്ന് ഡയറ്റീഷ്യൻ തൻവീ ടുട്‌ലാനി പറയുന്നു. ഈ ഭക്ഷണങ്ങൾ സ്വാഭാവികമായും ജലദോഷവും ചുമയും തടയാൻ സഹായിക്കും.
1. വിറ്റാമിന്‍ സി അടങ്ങിയ ഭക്ഷണങ്ങള്‍
സിട്രസ് പഴങ്ങൾ ഉച്ചഭക്ഷണത്തില്‍ ഉള്‍പ്പെടുത്തണമെന്ന് തന്‍വീ നിര്‍ദേശിക്കുന്നു. വിറ്റാമിൻ സി പ്രതിരോധശേഷി വർധിപ്പിക്കും. സിട്രസ് പഴങ്ങളിൽ ധാരാളം പോഷകങ്ങള്‍ അടങ്ങിയിട്ടുണ്ട്.
2.ഇഞ്ചി വെള്ളം
ആൻറി ബയോട്ടിക്കിനും ആൻറി ബാക്ടീരിയൽ ഗുണങ്ങൾക്കും പേരുകേട്ടതാണ് ഇഞ്ചി.അതുകൊണ്ടാണ് തൊണ്ടയില്‍ അസ്വസ്ഥതയുണ്ടാകുമ്പോള്‍ ഇഞ്ചി കഴിക്കുന്നത്. വളരെയധികം കഫീൻ കഴിക്കുന്നതിനുപകരം, ചെറുചൂടുള്ള ഇഞ്ചി വെള്ളം ഉണ്ടാക്കി ദിവസം മുഴുവൻ കുടിക്കുക.
3.വെളുത്തുള്ളി സൂപ്പ്
ചൂടുള്ള ഒരു പാത്രം സൂപ്പ് നമ്മെ ഊഷ്മളമാക്കുകയും രോഗാവസ്ഥയിൽ ആശ്വാസം നല്‍കുകയും ചെയ്യുന്നു. ചിക്കന്‍ അല്ലെങ്കില്‍ വെജിറ്റബിള്‍ സൂപ്പ് ഉണ്ടാക്കുമ്പോള്‍ വെളുത്തുള്ളി അല്ലെങ്കില്‍ ഇഞ്ചി ചേര്‍ക്കാന്‍ മറക്കരുത്.
4. മഞ്ഞള്‍ ചേര്‍ത്ത പാല്‍
ഇന്ത്യയില്‍ മാത്രമല്ല, ലോകമെമ്പാടും അംഗീകരിക്കപ്പെട്ട ആരോഗ്യദായകമായ പാനീയമാണ് മഞ്ഞള്‍ പാല്‍. ചെറുചൂടുള്ള പാലിനൊപ്പം മഞ്ഞളിന്‍റെ ആൻറി ബാക്ടീരിയൽ, ആൻറി-ഇൻഫ്ലമേറ്ററി ഗുണങ്ങൾ സീസണൽ അണുബാധകളിൽ നിന്ന് വളരെയധികം ആശ്വാസം നൽകുന്നു. നല്ല ആരോഗ്യത്തിന് ഒരു കപ്പ് ചെറുചൂടുള്ള പാലിൽ ഒരു നുള്ള് മഞ്ഞൾ ചേർത്ത് കുടിക്കുക.
ഈ വീട്ടുവൈദ്യങ്ങൾ ജലദോഷം, ചുമ എന്നിവയിൽ നിന്ന് വേഗത്തിൽ സുഖം പ്രാപിക്കാൻ സഹായിച്ചേക്കാം. അണുബാധ തടയുന്നതിൽ അവയ്ക്ക് അത്ഭുതങ്ങൾ പ്രവർത്തിക്കാൻ കഴിയും.