വിറ്റാമിൻ ഡി യുടെ അളവ് വർധിപ്പിക്കാൻ വെയില്‍ ഇങ്ങനെ കൊള്ളണം

ശരീരത്തിന് അത്യാവശ്യമായ വിറ്റാമിനുകളില്‍ ഒന്നാണ് വിറ്റാമിന്‍- ഡി. കുട്ടികള്‍ മുതല്‍ മുതിര്‍ന്നവരില്‍ വരെ വിറ്റാമിന്‍ ഡിയുടെ അഭാവം കണ്ടുവരാറുണ്ട്. നമ്മുടെ ജീവിതശൈലി തന്നെയാണ് ഇതിന് ഒരു പരിധി വരെ കാണാം. വിറ്റാമിൻ ഡി എല്ലുകളുടെയും പല്ലുകളുടെയും ബലത്തിന് ആവശ്യ ഘടകം കൂടിയാണ്. കൂടാതെ രോഗപ്രതിരോധശേഷി വർധിപ്പിക്കാനും ജീവിതശൈലി രോഗങ്ങളിൽ നിന്ന് രക്ഷപ്പെടാനും വിറ്റാമിൻ ഡി സഹായിക്കും. വിറ്റാമിൻ എന്ന പേര് ഉണ്ടെങ്കിലും വിറ്റാമിൻ ഡി യഥാർത്ഥത്തിൽ ഒരു വിറ്റാമിനേക്കാൾ ഒരു ഹോർമോൺ അല്ലെങ്കിൽ പ്രോഹോർമോൺ ആണ്.

ശീതകാലം അടുത്ത് വരുന്നതിനാൽ സൂര്യപ്രകാശത്തെ വിറ്റാമിൻ ഡി നേടുന്നതിനായി ഫലപ്രദമായി ഉപയോഗിക്കാവുന്നതാണ്. കൃത്യമായി ചെയ്തില്ലെങ്കിൽ സൂര്യനമസ്‌കാരം ഗുണത്തേക്കാളേറെ ദോഷം ചെയ്യും. ഉദാഹരണത്തിന്, കൃത്യമായ മുൻകരുതലുകളില്ലാതെ ദീർഘനേരം സൂര്യപ്രകാശം ഏൽക്കുന്നത് വിവിധ ആരോഗ്യ പ്രശ്നങ്ങൾക്ക് കാരണമാകും. ശരീരം വിറ്റാമിൻ ഡി ശരിയായ രീതിയിൽ ആഗിരണം ചെയ്യുന്നുവെന്ന് എങ്ങനെ ഉറപ്പാക്കാം

1. സൂര്യസ്നാനം ചെയ്യേണ്ട സമയ ദൈർഘ്യം

ശരീരത്തിനാവശ്യമായ ആയ വിറ്റാമിൻ ഡി യുടെ 80 ശതമാനവും സൂര്യപ്രകാശത്തിന്റെ സഹായത്തോടുകൂടി ശരീരം കൊളസ്ട്രോള്‍ തന്മാത്രകളിൽ നിന്ന് ഉണ്ടാക്കുന്നു. വിറ്റാമിൻ ഡി യുടെ ഉൽപാദനത്തിനായി ശരീരം വെയിൽ കൊള്ളിക്കണം. അതിനാൽ ചർമമുള്ള ആളുകള്‍ എന്നാണ് 10 മുതൽ 30 മിനിറ്റ് വരെ ആഴ്ചയിൽ മൂന്ന് തവണ വെയിൽ കൊള്ളണം.

ഇരുണ്ട നിറമുള്ള ആളുകൾക്ക് കുറച്ച് അധികം സമയം വെയിൽ ഏൽക്കണം.

2. സൺസ്ക്രീനും സൂര്യസ്നാനം

സൂര്യാഘാതം, ചർമ്മാർബുദം എന്നിവയിൽ നിന്ന് ചർമ്മത്തെ സംരക്ഷിക്കാൻ ആളുകൾ സൺസ്ക്രീൻ ഉപയോഗിക്കുന്നു. സൺസ്‌ക്രീനിന് വിറ്റാമിൻ ഡി ഉൽപ്പാദിപ്പിക്കുന്നതിൽ നിന്ന് ചർമ്മത്തെ തടയാൻ കഴിയും. കാരണം വിറ്റാമിൻ ഡി ഉൽപ്പാദനത്തിന് യുവിബി കിരണങ്ങൾ ആവശ്യമാണ്. ചില ഗവേഷണങ്ങൾ പ്രകാരം, 30 അല്ലെങ്കിൽ അതിൽ കൂടുതൽ SPF ഉള്ള സൺസ്ക്രീൻ ഉപയോഗിക്കുന്നത് ശരീരത്തിൽ വിറ്റാമിൻ ഡി ഉൽപ്പാദിപ്പിക്കുന്നത് 95-98% വരെ കുറക്കുന്നു. സൺസ്ക്രീൻ ഉപയോഗിക്കുകയാണെങ്കിൽപ്പോലും, കൂടുതൽ സമയം വെയിലത്ത് ചെലവഴിക്കുന്നത് വഴി നിങ്ങളുടെ ചർമ്മത്തിൽ ആവശ്യമായ വിറ്റാമിൻ ഡി ഉത്പാദിപ്പിക്കപ്പെടാൻ കാരണമാകുന്നു.

3. ഉച്ച സമയത്തെ സൂര്യപ്രകാശം

സൂര്യപ്രകാശം ലഭിക്കാൻ ഏറ്റവും അനുയോജ്യമായ സമയം ഉച്ചയാണ്, പ്രത്യേകിച്ച് ശൈത്യകാലത്ത്. സൂര്യൻ അതിന്‍റെ ഏറ്റവും ഉയർന്ന സ്ഥാനത്തിരിക്കുന്നതിനാൽ ഉച്ചയോടെ അതിന്‍റെ ഏറ്റവും ശക്തമായ UVB രശ്മികൾ പുറപ്പെടുവിക്കുന്നു. അതിനാൽ, ആവശ്യത്തിന് വിറ്റാമിൻ ഡി ഉൽപ്പാദിപ്പിക്കുന്നതിന് വെയിലത്ത് കുറച്ച് സമയം ചെലവഴിക്കേണ്ടത് ആവശ്യമാണ്. ഉച്ചസമയത്താണ് ശരീരം വിറ്റാമിൻ ഡി ഏറ്റവും ഫലപ്രദമായി ഉത്പാദിപ്പിക്കുന്നതെന്ന് നിരവധി പഠനങ്ങൾ തെളിയിച്ചിട്ടുണ്ട്.

4. വായു മലിനീകരണം പരിശോധിക്കുക

മലിനമായ വായു ഉള്ളിടങ്ങളിൽ വെയിലേൽക്കുന്നത് ഗുണത്തെക്കാളേറെ ദോഷം ചെയ്‌തേക്കാം. ചുറ്റുപാടുകളിലും, വെയിൽ ഏൽക്കുന്ന സ്ഥലങ്ങളിലും വായുവിന്‍റെ ഗുണനിലവാരം പരിശോധിച്ച് ഉറപ്പാക്കുക. മലിനമായ വായു അധിക സമയം ശ്വസിക്കുന്നത് ശ്വാസകോശ രോഗങ്ങള്‍ക്ക് കാരണമാകാം. കൂടാതെ നമ്മുടെ ശരീരത്തിൽ വിറ്റാമിൻ ഡി നൽകുന്ന സൂര്യന്‍റെ UVB കിരണങ്ങള്‍ മലിനീകരണം കൂടുതൽ ആഗിരണം ചെയ്തേക്കാം.

5. സൂര്യസ്നാന സമയം ക്രമീകരിക്കുക

ജോലികൾ ചെയ്യുമ്പോൾ സൂര്യപ്രകാശം ഏൽക്കാൻ നമ്മള്‍ സമയം കിട്ടാറില്ല.എന്നാൽ സൂര്യപ്രകാശത്തിനായി നിശ്ചിത സമയം ചെലവഴിക്കുന്നുണ്ടെന്ന് ഉറപ്പാക്കുക. ദിവസവും 20-30 മിനിറ്റ് നേരം വെയിലേൽക്കാൻ ശ്രമിക്കുക. വെയിൽ ആഗിരണം ചെയ്യാൻ കഴിയുന്ന വസ്ത്രങ്ങൾ ധരിക്കുക.