തമിഴ്‍നാട് ബി.ജെ.പിയിലും ഫണ്ട് വിവാദം; മു​ൻ ദേ​ശീ​യ സെ​ക്ര​ട്ട​റി എച്ച് രാജ ഫണ്ട് മുക്കി വീട് പണിതതായി പരാതി

ത​മി​ഴ്​​നാ​ട്​ ബി.​ജെ.​പി​യി​ലും തെ​ര​ഞ്ഞെ​ടു​പ്പ്​ ഫ​ണ്ട്​ വി​വാ​ദം ആ​ളി​ക്ക​ത്തു​ന്നു. ബി.​ജെ.​പി മു​ൻ ദേ​ശീ​യ സെ​ക്ര​ട്ട​റി​യും മു​തി​ർ​ന്ന നേ​താ​വു​മാ​യ എ​ച്ച്. രാ​ജ കേ​ന്ദ്ര - സം​സ്​​ഥാ​ന ക​മ്മി​റ്റി​ക​ൾ മു​ഖേ​ന ല​ഭ്യ​മാ​യ കോ​ടി​ക​ളു​ടെ ഫ​ണ്ട്​ മു​ക്കി​യ​താ​യാ​ണ്​ മു​ഖ്യ ആ​രോ​പ​ണം. തെ​ര​ഞ്ഞെ​ടു​പ്പ്​ ഫ​ല​പ്ര​ഖ്യാ​പ​ന​ത്തി​നു​ശേ​ഷം കാ​ര​ക്കു​ടി​യി​ൽ കോ​ടി​ക​ൾ ചെ​ല​വ​ഴി​ച്ച്​ രാ​ജ വീ​ട്​ നി​ർ​മി​ക്കു​ന്ന​തും പ്രവര്‍ത്തകരുടെ പ്രതിഷേധത്തിന് ഇടയാക്കി. മു​മ്പ്​ കേ​ര​ള ബി.​ജെ.​പി ഘ​ട​ക​ത്തിന്റെ സം​ഘ​ട​ന ചു​മ​ത​ല​യും രാ​ജ വ​ഹി​ച്ചി​രു​ന്നു.

കാ​ര​ക്കു​ടി​യി​ൽ ജ​ന​വി​ധി തേ​ടി​യ എ​ച്ച്. രാ​ജ ജ​യ​സാ​ധ്യ​ത ഉ​ണ്ടാ​യി​ട്ടും തെ​ര​ഞ്ഞെ​ടു​പ്പ്​ പ്ര​വ​ർ​ത്ത​ന​ങ്ങ​ളി​ൽ ഉ​ഴ​പ്പി​യെ​ന്നാ​ണ്​ ആ​രോ​പ​ണം. ഇ​തേ​കാ​ര​ണം പ​റ​ഞ്ഞ്​ ശി​വ​ഗം​ഗ ജി​ല്ല പ്ര​സി​ഡ​ൻ​റ്​ ശെ​ൽ​വ​രാ​ജ്​ സ്​​ഥാ​നം രാ​ജി​വെ​ച്ചു. പി​ന്നാ​ലെ നി​ര​വ​ധി ഭാ​ര​വാ​ഹി​ക​ളും രാ​ജി​വെ​ച്ചു. കോ​ടി​ക​ളു​ടെ ഫ​ണ്ട്​ ല​ഭ്യ​മാ​യി​ട്ടും അ​ത്​ ചെ​ല​വ​ഴി​ച്ചി​ല്ലെ​ന്നും പ​റ​യു​ന്നു. ക​ഴി​ഞ്ഞ ലോ​ക്​​സ​ഭ തെ​ര​ഞ്ഞെ​ടു​പ്പി​ലും ശി​വ​ഗം​ഗ മ​ണ്ഡ​ല​ത്തി​ൽ രാ​ജ പ​രാ​ജ​യ​പ്പെ​ട്ടി​രു​ന്നു. കേ​ന്ദ്ര ക​മ്മി​റ്റി​യി​ൽ​നി​ന്ന്​ ല​ഭി​ച്ച നാ​ലു​കോ​ടി രൂ​പ​യു​ടെ ഫ​ണ്ട്​ എ​ച്ച്. രാ​ജ മു​ഴു​വ​നാ​യും മു​ക്കി​യ​താ​യും ഈ ​തു​ക സ്വ​ന്തം വീ​ട്​ നി​ർ​മാ​ണ​ത്തി​ന്​ ചെ​ല​വ​ഴി​ക്കു​ക​യാ​ണെ​ന്നും ഭാ​ര​വാ​ഹി​ക​ൾ ആ​രോ​പി​ച്ചു.

അതേസമയം, രാജ ഭീഷണിപ്പെടുത്തി എന്നാരോപിച്ച് പാർട്ടിയുടെ കാരൈക്കുടി നഗര ജില്ലാ പ്രസിഡന്റ് കെ ചന്ദ്രൻ ജില്ലാ പ്രസിഡന്റിന് ഒരു നിവേദനം നൽകി. കഴിഞ്ഞ നാല് വർഷമായി താൻ പാർട്ടിക്ക് വേണ്ടി തന്റെ കടമകൾ വളരെ വിശ്വസ്തതയോടെയാണ് നിർവഹിച്ചതെന്ന് കത്തിൽ ചന്ദ്രൻ പറഞ്ഞു. പക്ഷേ, തിരഞ്ഞെടുപ്പിൽ പരാജയപ്പെട്ടതിന് രാജ അദ്ദേഹത്തെ കുറ്റപ്പെടുത്തുകയായിരുന്നു. തോൽവിയെക്കുറിച്ചും അതിൽ അദ്ദേഹം വഹിച്ച പങ്കിനെക്കുറിച്ചും ആത്മപരിശോധന നടത്തുന്നതിനുപകരം, അദ്ദേഹം മറ്റ് പാർട്ടി പ്രവർത്തകരുടെ മേൽ കുറ്റം ചുമത്തുകയായിരുന്നു.

പാർട്ടിയുടെ കാരൈക്കുടി വൈസ് പ്രസിഡന്റ് വഴിയും അദ്ദേഹത്തിന്റെ അനന്തരവൻ ആർ സൂര്യയിലൂടെയും അദ്ദേഹം ഭീഷണിപ്പെടുത്തുകയായിരുന്നു. തനിക്ക് അല്ലെങ്കിൽ അദ്ദേഹത്തിന്റെ കുടുംബാംഗങ്ങൾക്ക് ഉപദ്രവമുണ്ടാകുമെന്ന് ഭയപ്പെടുന്നുവെന്ന് പറഞ്ഞ ചന്ദ്രൻ, തന്റെ പാർട്ടി സ്ഥാനത്തുനിന്നും മറ്റ് എല്ലാ ഉത്തരവാദിത്തങ്ങളിൽ നിന്നും ഒഴിവാക്കിത്തരാന്‍ പാർട്ടി ഹൈക്കമാൻഡിനോട് അഭ്യർത്ഥിച്ചു.

2021ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ൽ അ​ണ്ണാ ഡി.​എം.​കെ സ​ഖ്യ​ത്തി​ൽ 20 സീ​റ്റു​ക​ളി​ലാ​ണ്​ ബി.​ജെ.​പി മ​ത്സ​രി​ച്ച​ത്. ഇ​തി​ൽ കോ​യ​മ്പ​ത്തൂ​ർ സൗ​ത്തി​ലെ ദേ​ശീ​യ മ​ഹി​ള മോ​ർ​ച്ച അ​ധ്യ​ക്ഷ വാ​ന​തി ശ്രീ​നി​വാ​സ​ൻ ഉ​ൾ​പ്പെ​ടെ നാ​ലു​പേ​ർ മാ​ത്ര​മാ​ണ്​ വി​ജ​യി​ച്ച​ത്. സം​സ്​​ഥാ​ന പ്ര​സി​ഡ​ൻ​റ്​ എ​ൽ. മു​രു​ക​ൻ ഉ​ൾ​പ്പെ​ടെ​യു​ള്ള​വ​ർ തോ​റ്റു.