പി.ചിദംബരം/വി.എസ് അച്യുതാനന്ദന്
ഞങ്ങള്‍ പരമ്പരാഗത വൈരികള്‍; പക്ഷെ വി.എസ് പടക്കുതിരയെന്ന് പി.ചിദംബരം
|കേരള ഗവര്‍ണര്‍ ആരിഫ് മുഹമ്മദ് ഖാനും വി.എസ് ആശംസകള്‍ നേര്‍ന്നു
ഡല്‍ഹി: നൂറാം പിറന്നാള്‍ ആഘോഷിക്കുന്ന സി.പി.എം നേതാവ് വി.എസ് അച്യുതാനന്ദന് ജന്‍മദിനാശംസകളുമായി കോണ്‍ഗ്രസ് നേതാവ് പി.ചിദംബരം. ജനങ്ങളുടെ നന്മയ്‌ക്കുവേണ്ടി ധീരമായി പോരാടിയ ഒരു പടക്കുതിരയാണ് വി.എസെന്ന് ആശംസകള്‍ നേര്‍ന്നുകൊണ്ട് ചിദംബരം എക്സില്‍ കുറിച്ചു.
The Congress and the CPI(M) are opposed to each other in Kerala and other parts of the country and have been traditional rivals in the elections in Kerala
— P. Chidambaram (@PChidambaram_IN) October 20, 2023
But that does not come in the way of my warmly felicitating Shri V S Achuthanandan, former Chief Minister of Kerala, on his…
''കേരളത്തിലും രാജ്യത്തിന്‍റെ മറ്റിടങ്ങളിലും കോൺഗ്രസും സി.പി.എമ്മും പരസ്പരം എതിർക്കുകയും കേരളത്തിലെ തെരഞ്ഞെടുപ്പുകളിൽ പരമ്പരാഗത എതിരാളികളുമാണ്.എന്നാൽ കേരളത്തിന്‍റെ മുൻ മുഖ്യമന്ത്രി വി.എസ് അച്യുതാനന്ദൻ ഇന്ന് 100 വയസ് തികയുന്ന വേളയിൽ അദ്ദേഹത്തെ സ്നേഹപൂർവ്വം ആശംസിക്കുന്നതിൽ അതൊന്നും തടസമാകുന്നില്ല.അന്നും ഇന്നും ജനങ്ങളുടെ നന്മക്ക് വേണ്ടി എന്ന് താൻ വിശ്വസിച്ചിരുന്ന കാര്യങ്ങൾക്ക് വേണ്ടി ധീരമായി പോരാടിയ ഒരു പടക്കുതിരയായിരുന്നു അദ്ദേഹം. വരുംനാളുകളുകളില്‍ അദ്ദേഹത്തിന് ആയുരാരോഗ്യം നേരുന്നു'' ചിദംബരം കുറിച്ചു.
കേരള ഗവര്‍ണര്‍ ആരിഫ് മുഹമ്മദ് ഖാനും വി.എസ് ആശംസകള്‍ നേര്‍ന്നു. ''പ്രിയങ്കരനും ബഹുമാന്യനുമായ ജനനേതാവിന് ആരോഗ്യവും സന്തോഷവും നേരുന്നതിൽ കേരളത്തിലെ ജനങ്ങളോടൊപ്പം ഞാനും ചേരുന്നു'' അദ്ദേഹം കുറിച്ചു.
Hon'ble Governor Shri Arif Mohammed Khan said:"My heartiest greetings and best wishes to former Chief Minister Shri #VSAchuthanandan on his 100th birthday.I join the people of Kerala in wishing the beloved & respected people's leader good health &happiness": PRO,KeralaRajBhavan pic.twitter.com/F3ma2EX5r7
— Kerala Governor (@KeralaGovernor) October 19, 2023