'കോൺഗ്രസ് മുങ്ങുന്ന കപ്പൽ, അധികാരത്തിനുവേണ്ടി എന്തും ചെയ്യും'; ബസവരാജ് ബൊമ്മൈ

ബംഗളൂരു: കോൺഗ്രസ് മുങ്ങുന്ന കപ്പലാണെന്ന് കർണാടക മുഖ്യമന്ത്രി ബസവരാജ് ബൊമ്മൈ. ന്യൂനപക്ഷങ്ങളും പിന്നോക്കക്കാരും ദളിതരും അടങ്ങുന്നതാണ് അഹിന്ദയെന്നാണ് സംസ്ഥാന കോൺഗ്രസ് നേതാക്കൾ പറയുന്നത്. എന്നാൽ ദളിതരും പിന്നാക്കക്കാരും പാർട്ടി വിട്ടെന്നും ന്യൂനപക്ഷങ്ങൾ മാത്രമാണ് അവശേഷിക്കുന്നതെന്നും ബൊമ്മെ വ്യക്തമാക്കി. കോൺഗ്രസ് അധികാരത്തിലിരിക്കുമ്പോൾ ദളിതരെയും പിന്നോക്കക്കാരെയും കുറിച്ച് ചിന്തിച്ചിരുന്നില്ലെന്നും അദ്ദേഹം കുറ്റപ്പെടുത്തി.

'എസ്.സി, എസ്.ടി സംവരണം തങ്ങളുടെ സംഭാവനയാണെന്നാണ് കോൺഗ്രസ് അവകാശപ്പെടുന്നത്. എന്നാൽ ആകെയുള്ള 60 വർഷത്തിൽ 50 വർഷവും അവർ ഭരിക്കുകയും ദളിതരുടെ ജനസംഖ്യ വർധിക്കുകയും കൂടുതൽ കൂടുതൽ ജാതികൾ അതിൽ ഉൾപ്പെടുകയും ചെയ്തു. അവരെ മുഖ്യധാരാ സമൂഹത്തിലേക്ക് കൊണ്ടുവരാൻ അവർക്ക് സംവരണം ഏർപ്പെടുത്തുന്നതിനെക്കുറിച്ച് കോൺഗ്രസ് നേതാക്കൾ ഒരിക്കലും ചിന്തിച്ചിട്ടില്ലെന്നും ബൊമ്മൈ പറഞ്ഞതായി 'ഇന്ത്യ ടുഡേ' റിപ്പോര്‍ട്ട് ചെയ്തു

'അധികാരത്തിനുവേണ്ടി എന്തും ചെയ്യാൻ കോൺഗ്രസ് നേതാക്കൾ തയ്യാറാണ്. നിലവിലെ രാഷ്ട്രീയ സാഹചര്യത്തിൽ പ്രസക്തമാകാൻ വേണ്ടിയാണ് രാഹുൽ ഗാന്ധി പദയാത്ര നടത്തുന്നത്. ഈ പരിപാടി രാഹുൽ ഗാന്ധിയുടെ 'പുനരാരംഭിക്കൽ' അല്ലാതെ മറ്റൊന്നുമല്ല, സാധാരണക്കാർക്ക് വേണ്ടിയല്ല. ദളിതരും പിന്നോക്കക്കാരും, സിദ്ധരാമയ്യയും ഇത്തരമൊരു യാത്രയെ അനുഗമിച്ചു, ഇപ്പോൾ നിങ്ങൾ എവിടെയാണ്? സ്വയം നോക്കൂ, ഞങ്ങൾക്ക് നിങ്ങളിൽ നിന്ന് പാഠങ്ങൾ പഠിക്കേണ്ടതില്ല, ബൊമ്മൈ കൂട്ടിച്ചേർത്തു.

രാജ്യത്ത് തന്റെ രാഷ്ട്രീയ പ്രസക്തി വീണ്ടെടുക്കാനാണ് രാഹുൽ ഗാന്ധി ഭാരത് ജോഡോ യാത്ര നടത്തുന്നതെന്നും ബസവരാജ് ബൊമ്മൈ പറഞ്ഞു . അധികാരത്തിനുവേണ്ടി എന്തും ചെയ്യാൻ കോൺഗ്രസ് നേതാക്കൾ തയ്യാറാണെന്നും നിലവിലെ രാഷ്ട്രീയ സാഹചര്യത്തിൽ പ്രസക്തമാകാനാണ് രാഹുൽ ഗാന്ധി പദയാത്ര നടത്തുന്നതെന്നും ബൊമ്മൈ പറഞ്ഞു.

സിദ്ധരാമയ്യ ഒരു കൊച്ചുകുട്ടിയുടെ കീഴിൽ ജോലി ചെയ്യുന്നതും അദ്ദേഹത്തിന്റെ നിർദ്ദേശങ്ങൾ പാലിക്കുന്നതും വേദനാജനകമാണെന്നും ബൊമ്മെ വ്യക്തമാക്കി. ഇത് ആത്മാഭിമാനത്തിന്റെ പ്രതീകമല്ല. മറിച്ച് ഗ്രാൻഡ് ഓൾഡ് പാർട്ടികളുടെ വൻ ജനസമ്പർക്ക ജാഥ നയിക്കുന്ന രാഹുൽ ഗാന്ധിയെ പരിഹസിക്കുന്നത് പോലെയാണെന്നും ബൊമ്മൈ പറഞ്ഞു.