ശബ്ദമില്ലാത്തവരുടെ ശബ്ദം; പ്രതിപക്ഷ നേതാവായിട്ട് 100 നാള്‍, രാഹുലിനെ പുകഴ്ത്തി കോണ്‍ഗ്രസ്
|ഇന്ത്യയില്‍ ജനാധിപത്യം പുനസ്ഥാപിക്കാനുള്ള ദൗത്യം ആരംഭിച്ചുവെന്നും കോണ്‍ഗ്രസ് കുറിച്ചു
ഡല്‍ഹി: ലോക്സഭാ പ്രതിപക്ഷനേതാവായി നൂറ് ദിവസം തികയ്ക്കുന്ന രാഹുല്‍ ഗാന്ധിയെ അഭിനന്ദിച്ച് കോണ്‍ഗ്രസ്. രാഹുല്‍ ശബ്ദമില്ലാത്തവരുടെ ശബ്ദമാണെന്നും ഇന്ത്യയില്‍ ജനാധിപത്യം പുനസ്ഥാപിക്കാനുള്ള ദൗത്യം ആരംഭിച്ചുവെന്നും കോണ്‍ഗ്രസ് കുറിച്ചു.
''100 ദിവസം മുമ്പ് ഇന്ത്യക്ക് ഒരു പ്രതിപക്ഷ നേതാവിനെ മാത്രമല്ല ലഭിച്ചത്. ഞങ്ങൾ ഒരു ശബ്ദം കണ്ടെത്തി" എന്ന് കോൺഗ്രസ് ജനറൽ സെക്രട്ടറി, ഓർഗനൈസേഷൻ ഇൻചാർജ് കെ.സി വേണുഗോപാൽ പറഞ്ഞു.'' നൂറ് ദിവസം കൊണ്ട് തന്നെ ഒരു പ്രതിപക്ഷ നേതാവ് എങ്ങനെയായിരിക്കണമെന്ന് രാഹുല്‍ ഗാന്ധി കാണിച്ചുകൊടുത്തു. അദ്ദേഹം വിദ്വേഷത്തിനെതിരെ സംസാരിച്ചു, സർക്കാർ അവഗണിക്കുകയും നിരസിക്കുകയും ചെയ്തവർക്ക് വേണ്ടി ശബ്ദമുയർത്തി, ഭരണകൂടത്തെ വളച്ചൊടിക്കുന്ന ചൂണ്ടിക്കാണിക്കപ്പെടുന്ന ചോദ്യങ്ങൾ ചോദിച്ചു, ഏറ്റവും പ്രധാനമായി - ഇന്ത്യയിൽ ജനാധിപത്യം പുനഃസ്ഥാപിക്കാനുള്ള കഠിനമായ ദൗത്യം അദ്ദേഹം ആരംഭിച്ചു'' വേണുഗോപാല്‍ കൂട്ടിച്ചേര്‍ത്തു.
''നീറ്റ് പരീക്ഷ ചോർച്ചയോ, മണിപ്പൂർ പ്രതിസന്ധിയോ, ജാതി സെൻസസോ എന്തുമാകട്ടെ ദശലക്ഷക്കണക്കിന് ആളുകളുടെ ജീവിതത്തെ ബാധിക്കുന്ന ഒന്നും രാജ്യത്തുണ്ടാകരുതെന്ന് രാഹുൽ ഗാന്ധി ഉറപ്പാക്കുകയും തെറ്റുകൾ തിരുത്താനുള്ള നടപടികൾ സ്വീകരിക്കുകയും ചെയ്തു'' വേണുഗോപാൽ എക്‌സിൽ കുറിച്ചു. "തെറ്റ് ചെയ്യരുത്, ഇത് ഒരു തുടക്കം മാത്രമാണ്. നമ്മൾ മുന്നോട്ട് പോകുമ്പോൾ, ജനങ്ങള്‍ക്ക് വേണ്ടി ശബ്ദമുയർത്താനുള്ള രാഹുൽ ഗാന്ധിയുടെ ആവേശം ജനിപ്പിക്കുന്ന രാഷ്ട്രീയം മികച്ചതുമായ ഫലങ്ങൾ മാത്രമേ നൽകൂ. മുഴുവൻ ഇന്‍ഡ്യാ സഖ്യത്തോടൊപ്പം പാർലമെൻ്റിനകത്തും പുറത്തും ഞങ്ങൾ അവരോട് പല്ലും നഖവും ഉപയോഗിച്ച് പോരാടും. അവരുടെ ഫാസിസ്റ്റ്, ഭിന്നിപ്പിക്കൽ അജണ്ട പരാജയപ്പെടുന്നതുവരെ വിശ്രമിക്കില്ലെന്നും'' വേണുഗോപാൽ പറഞ്ഞു.
ലോക്‌സഭയിലെ പ്രതിപക്ഷ നേതാവെന്ന നിലയിൽ ആദ്യ 100 ദിവസങ്ങളിൽ ഗാന്ധി പാർശ്വവത്കരിക്കപ്പെട്ടവർക്കും അടിച്ചമർത്തപ്പെട്ടവർക്കും വേണ്ടി എപ്പോഴും നിലകൊണ്ടിരുന്നുവെന്ന് കോൺഗ്രസിൻ്റെ മീഡിയ, പബ്ലിസിറ്റി വിഭാഗം മേധാവി പവൻ ഖേര പറഞ്ഞു.മണിപ്പുരിലെ കലാപങ്ങളില്‍ ബാധിക്കപ്പെട്ടവര്‍ക്കെതിരെയുള്ള കേന്ദ്രസര്‍ക്കാരിന്റെ വിപരീതനിലപാടുകളെ നിശിതമായി എതിര്‍ക്കുന്നതിലൂടെ അരികുവത്കരിക്കപ്പെട്ടവര്‍ക്കും അടിച്ചമര്‍ത്തപ്പെട്ടവര്‍ക്കും ഒപ്പമാണ് താനെന്ന് രാഹുല്‍ വീണ്ടും തെളിയിക്കുകയാണെന്ന് പവന്‍ ഖേര പറഞ്ഞു. മൂന്ന് തവണ രാഹുല്‍ മണിപ്പുര്‍ സന്ദര്‍ശിച്ചതായും ദുരുതാശ്വാസക്യാമ്പുകളിലെത്തിയ രാഹുല്‍ ജനങ്ങളുമായി സംവദിക്കുകയും ചെയ്തു. മാത്രമല്ല മണിപ്പുരിന്റെ അവസ്ഥ പാര്‍ലമെന്റില്‍ ഉയര്‍ത്തിക്കാട്ടുകയും ചെയ്തതായും പവന്‍ ഖേര കൂട്ടിച്ചേര്‍ത്തു.