'മുടിയിൽ പിടിച്ചു വലിച്ചു'; യൂത്ത് കോൺഗ്രസ് ദേശീയ പ്രസിഡന്റ് ബി.വി ശ്രീനിവാസിനെ ക്രൂരമായി മർദിച്ച് ഡൽഹി പൊലീസ്

ന്യൂഡൽഹി: യൂത്ത് കോൺഗ്രസ് ദേശീയ പ്രസിഡന്റ് ബി.വി ശ്രീനിവാസിന് ഡൽഹി പൊലീസിന്റെ ക്രൂര മർദനം. സോണിയാ ഗാന്ധിയെ ഇ.ഡി ചോദ്യം ചെയ്യുന്നതിനെതിരെ കോൺഗ്രസ് സംഘടിപ്പിച്ച പ്രതിഷേധത്തിനിടെയാണ് സംഭവം. ശ്രീനിവാസിനെ പൊലീസ് മർദിക്കുന്നതിന്റെ ദൃശ്യങ്ങൾ സോഷ്യൽ മീഡിയയിൽ വ്യാപകമായി പ്രചരിക്കുന്നുണ്ട്.

പൊലീസുകാരൻ ശ്രീനിവാസിന്റെ മുടിയിൽ പിടിച്ചു വലിക്കുന്നതും കാറിനുള്ളിലേക്ക് തള്ളുന്നതും ദൃശ്യങ്ങളിലുണ്ട്. നിരവധി കോൺഗ്രസ് നേതാക്കൾ വീഡിയോ ഷെയർ ചെയ്തിട്ടുണ്ട്. പൊലീസ് സമരക്കാരോട് എങ്ങനെയാണ് പെരുമാറുന്നത് എന്നതിന്റെ തെളിവാണ് ഈ ദൃശ്യങ്ങളെന്ന് കോൺഗ്രസ് നേതാക്കൾ പറഞ്ഞു.

അതേസമയം ശ്രീനിവാസിനെ മർദിച്ച പൊലീസുകാരനെതിരെ നടപടി സ്വീകരിക്കുമെന്ന് ഡൽഹി പൊലീസ് വ്യക്തമാക്കി. പൊലീസുകാരനെ തിരിച്ചറിയാനായി അന്വേഷണം നടന്നുകൊണ്ടിരിക്കുകയാണ്. അതിന് ശേഷം അച്ചടക്ക നടപടി സ്വീകരിക്കുമെന്നും ഡൽഹി പൊലീസിലെ ഉന്നത ഉദ്യോഗസ്ഥനെ ഉദ്ധരിച്ച് എഎൻഐ റിപ്പോർട്ട് ചെയ്തു.

#WATCH | Delhi Police personnel seen pulling the hair of National President of Indian Youth Congress, Srinivas BV, and manhandling him earlier during the party's protest.

(Source: Congress) pic.twitter.com/ODyN1YjERG

— ANI (@ANI) July 26, 2022