സിപിഎം പൊളിറ്റ് ബ്യൂറോ യോഗത്തിന് ഇന്ന് തുടക്കം; യോ​ഗം രണ്ട് ​ദിവസം

ന്യൂഡൽഹി: സിപിഎം പൊളിറ്റ് ബ്യൂറോ യോഗത്തിന് ഇന്ന് ഡൽഹിയിൽ തുടക്കമാകും. രണ്ടുദിവസം നീണ്ടുനിൽക്കുന്ന യോഗത്തിൽ പാര്‍ട്ടി കോണ്‍ഗ്രസിന് വേണ്ടിയുളള കരട് രേഖകള്‍ ചര്‍ച്ച ചെയ്യുകയാണ് പ്രധാന അജണ്ട. അടുത്ത വര്‍ഷം ഏപ്രില്‍ 2 മുതല്‍ 6 വരെ തമിഴ്നാട് മധുരയിലാണ് 24ാം പാര്‍ടി കോണ്‍ഗ്രസ് നടക്കുക.

ഹരിയാന ജമ്മു കാശ്മീർ തെരഞ്ഞെടുപ്പ് ഫലവും യോഗം വിലയിരുത്തും. ഇതിനുപുറമെ വരുന്ന നിയമസഭാ തെരഞ്ഞെടുപ്പുമായി ബന്ധപ്പെട്ട ചർച്ചകളും നടക്കും. കേരളത്തിലെ പൊതു രാഷ്ട്രീയ സാഹചര്യവും ചർച്ചയ്ക്ക് എത്തിയേക്കും എന്നാണ് സൂചന.