പാനിപൂരി വാങ്ങിയത് ഇഷ്ടമായില്ല; ഭർത്താവി​നോട്​ വഴക്കിട്ട്​ യുവതി ജീവനൊടുക്കി, ഭർത്താവ്​ അറസ്റ്റിൽ

മഹാരാഷ്​ട്രയിൽ പാനി പൂരി വാങ്ങിയതുമായി ബന്ധപ്പെട്ട്​ ഭർത്താവുമായുണ്ടായ തർക്കത്തെ തുടർന്ന്​ 23കാരി ആത്മഹത്യ ചെയ്​തു. വീട്ടിൽ ഭക്ഷണം തയാറാക്കിയിരുന്നിട്ടും മുൻകൂട്ടി പറയാതെ അത്താഴത്തിന്​ പാനിപൂരി വാങ്ങികൊണ്ടുവന്നതിന്​ ഭർത്താവിനോട്​ വഴക്കിട്ട​ ശേഷമാണ്​ ആത്മഹത്യയെന്ന്​ പൊലീസ്​ പറഞ്ഞു.

23കാരിയായ പ്രതീക്ഷ സരവാദെയാണ്​ ഭർത്താവ് ഗഹിനിനാഥ്​ സരവാദെയുമായുള്ള തർക്കത്തെ തുടർന്ന് ജീവനൊടുക്കിയത്. 2019ലായിരുന്നു ഇവരുടെ വിവാഹം. ഇരുവരും തമ്മിൽ വഴക്ക്​ പതിവായിരുന്നുവെന്ന് അയൽവാസികൾ പറഞ്ഞു.

'കഴിഞ്ഞ വെള്ളിയാഴ്ച, ഭാര്യയോട്​ പറയാതെ ഗഹിനിനാഥ്​ വീട്ടിലേക്ക്​ പാനിപൂരി വാങ്ങികൊണ്ടുവന്നു. എന്നാൽ പ്രതീക്ഷ വീട്ടിൽ ഭക്ഷണം പാകം ചെയ്​തിരുന്നു. ഇതേചൊല്ലി ഇരുവരും തമ്മിൽ വഴക്കുണ്ടായി. പിറ്റേദിവസം രാവിലെ പ്രതീക്ഷയെ വിഷം കഴിച്ച നിലയിൽ കണ്ടെത്തുകയായിരുന്നു. ഉടൻ തന്നെ ആശുപത്രിയിലെത്തിച്ചെങ്കിലും ഞായറാഴ്ചയോടെ മരിച്ചു'- പൊലീസ് ഉദ്യോഗസ്​ഥൻ പറഞ്ഞു.

ആത്മഹത്യ പ്രേരണ കുറ്റത്തിന്​ ഭർത്താവിനെ പൊലീസ്​ അറസ്റ്റ്​ ചെയ്തു.