മദ്യപിച്ച് ക്ലാസ് റൂമിലെത്തിയ അധ്യാപകന്‍
മദ്യപിച്ചു പൂസായി അധ്യാപകന്‍ ക്ലാസ് റൂമില്‍; സസ്പെന്‍ഷന്‍
|സംഭവമറിഞ്ഞ് സ്കൂളിലെത്തിയ നാട്ടുകാര്‍ അധ്യാപകനെ ഉണര്‍ത്താന്‍ ശ്രമിച്ചെങ്കിലും ഫലമുണ്ടായില്ല
ഹമീർപൂർ: മദ്യപിച്ചു പൂസായി ക്ലാസ് റൂമിലെത്തിയ അധ്യാപകനെ സസ്പെന്‍ഡ് ചെയ്തു. ഉത്തര്‍പ്രദേശിലെ ഹമീര്‍പൂര്‍ ജില്ലയിലാണ് സംഭവം. ക്ലാസ് മുറിക്കുള്ളിലെ കസേരയിൽ അബോധാവസ്ഥയിൽ ഇരിക്കുന്ന അധ്യാപകന്‍റെ വീഡിയോ സോഷ്യൽ മീഡിയയിൽ വൈറലായിരിക്കുകയാണ്.
സംഭവമറിഞ്ഞ് സ്കൂളിലെത്തിയ നാട്ടുകാര്‍ അധ്യാപകനെ ഉണര്‍ത്താന്‍ ശ്രമിച്ചെങ്കിലും ഫലമുണ്ടായില്ല. അമിതമായി മദ്യപിച്ച് തല ഉയര്‍ത്താന്‍ പോലും സാധിക്കാത്ത അവസ്ഥയിലായിരുന്നു ഇയാള്‍. നാട്ടുകാര്‍ ഇതുപകര്‍ത്തി സോഷ്യല്‍മീഡിയയില്‍ പങ്കുവയ്ക്കുകയായിരുന്നു. അബോധാവസ്ഥയിൽ നിന്ന് അധ്യാപകന്‍ ഉണർന്നതിന് ശേഷം മാത്രമാണ് നാട്ടുകാർ പിരിഞ്ഞുപോയതെന്ന് വീഡിയോയിൽ കാണാം.ഇയാള്‍ ആദ്യമായിട്ടല്ല മദ്യപിച്ച് സ്കൂളിലെത്തുന്നതെന്ന് നാട്ടുകാര്‍ പറഞ്ഞു.
പലതവണ മുന്നറിയിപ്പ് നല്‍കിയിരുന്നെങ്കിലും അധ്യാപകന്‍ ഇതൊന്നും വകവച്ചിരുന്നില്ല. ഒടുവില്‍ സഹികെട്ടാണ് നാട്ടുകാര്‍ വീഡിയോ പകര്‍ത്തി പ്രചരിപ്പിച്ചത്. "വിഷയത്തിൽ അന്വേഷണം നടത്തി, അധ്യാപകനെ കുറ്റക്കാരനാണെന്ന് കണ്ടെത്തി സസ്പെൻഡ് ചെയ്തു."ജില്ലാ വിദ്യാഭ്യാസ ഓഫീസർ അലോക് സിംഗ് പറഞ്ഞു.
छोटे-छोटे बच्चों को पढ़ाने वाला दारूबाज अध्यापक नशे में मस्त।
— Pankaj Tiwari । पंकज तिवारी (@pankaj_cktd) November 3, 2023
जब विद्यालयों में होगे ऐसे अध्यापक तो कैसे कैसे पड़ेगा आने वाला भविष्य और कैसे बढ़ेगा आगे?
मासूम बच्चों के जीवन के साथ खिलवाड़ कर रहे ऐसे अध्यापक।
वायरल वीडियो जिला हमीरपुर का है।@myogiadityanath @dmhamirpurup pic.twitter.com/T00lMum3yU