അന്താരാഷ്ട്ര വിമാനങ്ങൾക്ക് ഇന്ത്യയിലേക്കുള്ള വിലക്ക് നീക്കി; 27 മുതൽ ഉപാധികളോടെ അനുമതി

കോവിഡ് വ്യാപനം കണക്കിലെടുത്ത് അന്താരാഷ്ട്ര വിമാനങ്ങൾക്ക് ഏർപെടുത്തിയിരുന്ന വിലക്കുകൾ പൂർണമായും നീക്കി. മാർച്ച് 27 മുതൽ ഉപാധികളോടെയായിരിക്കും സർവീസിന് അനുമതി. ആരോഗ്യമന്ത്രാലയത്തിന്റെ പ്രോട്ടോകോൾ പാലിച്ച് സർവീസ് നടത്താം.

After deliberation with stakeholders &keeping in view the decline in the #COVID19 caseload,we have decided to resume international travel from Mar 27 onwards.Air Bubble arrangements will also stand revoked thereafter.With this step,I'm confident the sector will reach new heights!

— Jyotiraditya M. Scindia (@JM_Scindia) March 8, 2022

കോവിഡ് വ്യാപനത്തെ തുടർന്ന് രണ്ടു വർഷത്തിന് ശേഷമാണ് അന്താരാഷ്ട്ര വിമാനങ്ങൾ പൂർണമായും തുറക്കാൻ കേന്ദ്രം ഉത്തരവിടുന്നത്. കഴിഞ്ഞ ഡിസംബർ 15 ന് വിലക്കുകൾ നീക്കി വിമാന സർവീസുകൾ പുനരാരംഭിക്കാൻ കേന്ദ്രം ആലോച്ചിരുന്നു. എന്നാൽ ആ സമയത്ത് കോവിഡ് മൂന്നാം തരംഗം രൂക്ഷമാവുകയും ഒമിക്രോൺ കേസുകൾ വർധിക്കുകയും ചെയ്തതിനാൽ സർവീസുകൾ പുനരാംഭിക്കാൻ കഴിഞ്ഞില്ല.