അമ്മയുമായി അവിഹിത ബന്ധമെന്ന്;‌ 25കാരനെ കൊലപ്പെടുത്തി 17കാരനായ മകൻ

ഭോപ്പാൽ: അമ്മയുമായി അവിഹിത ബന്ധം ആരോപിച്ച് യുവാവിനെ കൊലപ്പെടുത്തി 17കാരനായ മകൻ. മഹാരാഷ്ട്രയിലെ ലാത്തൂർ ജില്ലയിലാണ് സംഭവം. 25കാരനായ രഞ്ജിത്ത് തനാജി മാലി ആണ് കൊല്ലപ്പെട്ടത്.

സംഭവത്തിൽ കൗമാരക്കാരനെ കസ്റ്റഡിയിലെടുത്തതായി പൊലീസ് പറഞ്ഞു. വാദ്ജി ​ഗ്രാമത്തിലെ പശുത്തൊഴുത്തിലാണ് രഞ്ജിത്തിന്റെ മൃതദേഹം കണ്ടെത്തിയത്.

സംഭവത്തിൽ കൊലപാതകക്കേസ് രജിസ്റ്റർ ചെയ്ത പൊലീസ്, അന്വേഷണത്തിനിടെ കൗമാരക്കാരനെ പിടികൂടുകയായിരുന്നു. ഉറങ്ങുന്നതിനിടെ മൂർച്ചയേറിയ ആയുധം ഉപയോഗിച്ച് കൗമാരക്കാൻ രഞ്ജിത്തിനെ ആക്രമിക്കുകയും കൊലപ്പെടുത്തുകയുമായിരുന്നെന്ന് പൊലീസ് പറഞ്ഞു.

കച്ചവടക്കാരനായ യുവാവ് കുട്ടിയുടെ അമ്മയുമായി ബന്ധത്തിലായിരുന്നു. 17കാരൻ ഈ ബന്ധത്തെക്കുറിച്ച് മനസിലാക്കുകയും യുവാവിനെ കൊല്ലാൻ പദ്ധതിയിടുകയുമായിരുന്നെന്ന് ഉദ്യോഗസ്ഥർ വ്യക്തമാക്കി.