വേദാന്തക്ക് തിരിച്ചടി: തൂത്തുക്കുടിയിലെ യൂണിറ്റ് അടച്ചുപൂട്ടാനുള്ള ഉത്തരവ് സുപ്രിംകോടതി ശരിവെച്ചു

ന്യൂഡൽഹി: വേദാന്ത ലിമിറ്റഡിന്റെ തൂത്തുക്കുടിയിലെ ചെമ്പ് സംസ്കരണ യൂണിറ്റ് അടച്ചുപൂട്ടാനുള്ള മദ്രാസ് ഹൈകോടതി ഉത്തരവ് സുപ്രിംകോടതി ശരിവെച്ചു. തൂത്തുക്കുടി മേഖലയിൽ ഗുരുതരമായ ആരോഗ്യ​പ്രശ്നങ്ങൾക്കിടയാക്കിയ വേദാന്ത ഗ്രൂപ്പിനു കീഴിലുള്ള സ്റ്റെർലൈറ്റ് കോപ്പർ പ്ലാന്റിനെതിരെ നടന്ന സമരത്തിന് നേരെ പൊലീസ് നടത്തിയ വെടിവെപ്പിൽ 13 പേർ കൊല്ലപ്പെട്ടിരുന്നു. ഇതിന് പിന്നാലെയാണ് തമിഴ്നാട് ​ മ​ലി​നീ​ക​ര​ണ നി​യ​ന്ത്ര​ണ ബോ​ർ​ഡ് കമ്പനി പൂട്ടി സീൽ ചെയ്തത്, ഈ തീരുമാനം മദ്രാസ് ഹൈകോടതി ശരിവെച്ചിരുന്നു. അതിനെ ചോദ്യം ചെയ്താണ് കമ്പനി സു​പ്രിം കോടതിയെ സമീപിച്ചത്.

ആവർത്തിച്ചുള്ള ഗുരുതരമായ നിയമ ലംഘനങ്ങളാണ് കമ്പനിയുടെ ഭാഗത്ത് നിന്നുണ്ടായതെന്നും കമ്പനി തുറന്ന് പ്രവർത്തിക്കാൻ അനുമതി നൽകാനാകില്ലന്നും സുപ്രിം കോടതി നിരീക്ഷിച്ചു. ചീഫ് ജസ്റ്റിസ് ഡി.വൈ ചന്ദ്രചൂഡ്, ജസ്റ്റിസുമാരായ ജെ.ബി പർഡിവാല, മനോജ് മിശ്ര എന്നിവരടങ്ങിയ ബെഞ്ചിന്റെതാണ് വിധി. പ്രദേശവാസികൾക്ക് ആരോഗ്യത്തെ പറ്റിയുള്ള ആശങ്കയ്ക്ക് അടിസ്ഥാനമുണ്ടെന്നും സുപ്രിം കോടതി നിരീക്ഷിച്ചു. കമ്പനിയുടെ ഈ യൂണിറ്റ് രാജ്യത്തിന്റെ ഉൽപ്പാദനമേഖലയിൽ വലിയ സംഭാവന നൽകുന്നുണ്ട്. പ്രദേശത്ത് തൊഴിലും ജനങ്ങൾക്ക് വരുമാനവും ലഭിക്കു​ന്നുണ്ടെങ്കിലും കമ്പനി രാജ്യത്തെ പരിസ്ഥിതി നിയമങ്ങൾ പാലിക്കാൻ ബാധ്യസ്ഥരാണെന്ന് ബെഞ്ച് നിരീക്ഷിച്ചു.

കമ്പനി പ്രദേശത്ത് ഗുരുതരമായ മലിനീകരണമുണ്ടാക്കുന്നു​വെന്നും ആരോഗ്യ പ്രശ്നങ്ങൾ ചൂണ്ടിക്കാട്ടിയും 1999 മുതൽ ജനങ്ങൾ സമരം തുടങ്ങിയിരുന്നു. തുടക്കത്തിൽ സമരത്തെ കമ്പനിയും സർക്കാരും അവഗണിച്ചിരുന്നു. എന്നാൽ സംഘടിത സമരം തുടങ്ങിയതിന്റെ നൂറാം ദിനമായ 2018 മേ​യ്​ 22ന്​ നടന്ന ജ​ന​കീ​യ ക​ല​ക്​​ട​റേ​റ്റ്​ മാ​ർ​ച്ച്​ ​പൊ​ലീ​സ്​ വെ​ടി​വെ​പ്പിലാണ് ക​ലാ​ശി​ച്ചത്. 13 പേ​ർ കൊ​ല്ല​പ്പെ​ടു​ക​യും നി​ര​വ​ധി​പേ​ർ​ക്ക്​ പ​രി​ക്കേ​ൽ​ക്കു​ക​യും ചെ​യ്​​തു. ഇതിന് പിന്നാലെ മെ​യ്​ 24നാണ് ​ത​മി​ഴ്​​നാ​ട്​ മ​ലി​നീ​ക​ര​ണ നി​യ​ന്ത്ര​ണ ബോ​ർ​ഡ്​ ക​മ്പ​നി പൂ​ട്ടി മുദ്രവെച്ചത്. ക​മ്പ​നി​യു​ടെ ലൈ​സ​ൻ​സ്​ റ​ദ്ദാ​ക്കി​യ ത​മി​ഴ്​​നാ​ട്​ സ​ർ​ക്കാ​ർ വൈ​ദ്യു​തി ക​ണ​ക്​​ഷ​നും വി​ച്ഛേ​ദി​ച്ചതോടെയാണ് പൂർണമായും പ്രവർത്തനം അവസാനിപ്പിച്ചത്. പ്ലാ​ന്‍റ്​ അ​ട​ച്ചു​പൂ​ട്ടാ​നു​ള്ള ത​മി​ഴ്​​നാ​ട്​ മ​ലി​നീ​ക​ര​ണ നി​യ​ന്ത്ര​ണ ബോ​ർ​ഡി​ന്‍റെ തീ​രു​മാ​ന​ത്തെ മ​ദ്രാ​സ് ഹൈ​കോ​ട​തിയും ശ​രി​വെ​ച്ചു. ഈ ഉത്തരവിനെതിരെയാണ് വേ​ദാ​ന്ത സുപ്രിം കോടതിയെ സമീപിച്ചത്.

സമരക്കാരെ വെടിവെച്ചു കൊലപ്പെടുത്തിയ പൊലീസ് നടപടി ജനാധിപത്യത്തിനു മേല്‍ സംഭവിച്ച മുറിപ്പാടാണെന്നായിരുന്നു മദ്രാസ് ഹൈക്കോടതി കമ്പനി പൂട്ടാനുള്ള തീരുമാനം ശരിവെച്ചുകൊണ്ട് അന്ന് പറഞ്ഞത്. തൂത്തുക്കുടി വെടിവെപ്പ് മറവിക്ക് വിട്ടുകൊടുക്കരുതെന്നും കോടതി കൂട്ടിച്ചേർത്തത് വലിയ ചർച്ചയായിരുന്നു.

എന്ത് സാഹചര്യത്തിലാണ് വെടിവെച്ചത്. അതിന് പ്രേരിപ്പിച്ചതെന്തായിരുന്നുവെന്ന് അറിയണമെന്നും കോടതി പറഞ്ഞു. നിയമപ്രകാരമല്ല സമരം നടന്നതെങ്കിലും ഒരു കോര്‍പ്പറേറ്റ് സ്ഥാപനത്തിന് ജനങ്ങളെ വെടിവെച്ചുകൊല്ലാന്‍ അധികാരം നല്‍കുന്നത് എങ്ങനെയാ​ണെന്നായിരുന്നു ചീഫ് ജസ്റ്റിസ് സഞ്ജീബ് ബാനര്‍ജിയും ജസ്റ്റിസ് ടി.എസ് ശിവഗ്നാനവുമടങ്ങിയ ബെഞ്ച് ചോദിച്ചത്.

കോര്‍പ്പറേറ്റ് കമ്പനികള്‍ക്കു വേണ്ടി ജനങ്ങളെ വെടിവെക്കാന്‍ പൊലീസ് സംവിധാനം ഉപയോഗിക്കപ്പെടുന്നു എന്ന സന്ദേശം നല്‍കാന്‍ തൂത്തുക്കുടി വെടിവെപ്പ് കാരണമാകരുതെന്നും കോടതി ചൂണ്ടിക്കാട്ടി. കൊല്ലപ്പെട്ട 13 ല്‍ 12 പേര്‍ക്കും തലയിലും നെഞ്ചിലുമാണ് വെടിയേറ്റെതെന്നായിരുന്നു പോസ്റ്റുമോര്‍ട്ടം റിപ്പോര്‍ട്ട്. 102 പേര്‍ക്കാണ് അന്ന് പരിക്കേറ്റത്. രണ്ടു പേര്‍ മരിച്ചത് തലയ്ക്ക് വെടിയേറ്റായിരുന്നു. ക്രൂരമായി കൊല്ലപ്പെട്ടത് 17 വയസുകാരനായ സ്നോളിനാണ്. തലയ്ക്കു പി​ന്നിൽ പതിച്ച വെടിയുണ്ട വായിലൂടെ പുറത്തെത്തിയെന്നായിരുന്നു പോസ്റ്റുമോര്‍ട്ടം റിപ്പോര്‍ട്ടിലുണ്ടായിരുന്നത്. വെടിവെപ്പിന് പിന്നാലെ കമ്പനിക്കെതിരായ കനത്ത നിലപാടെടുക്കാൻ സർക്കാർ നിർബന്ധിതരാവുകയായിരുന്നു. പോലീസ് വെടിവെപ്പിനെതിരെ ദേശീയ മനുഷ്യാവകാശക്കമ്മിഷൻ സ്വമേധയാ അന്വേഷണം തുടങ്ങിയെങ്കിലും അഞ്ചുമാസം കഴിഞ്ഞ് അത് ഉപേക്ഷിച്ചതും വിവാദമായിരുന്നു.

എന്നാലും പിന്നീട് പലതവണ കമ്പനി സ്ഥാപനം തുറക്കാൻ വിവിധ തരത്തിൽ ശ്രമങ്ങൾ നടത്തിയിരുന്നു. കോവിഡ് വ്യാപനത്തെ തുടർന്ന് ഓക്സിജൻ ക്ഷാമം ഉണ്ടായ സാഹചര്യത്തിൽ കമ്പനിയെ ഓക്സിജൻ ഉൽപാദനത്തിന്റെ മറവിൽ തുറക്കാൻ കമ്പനി മാനേജ്മെന്റ് ശ്രമിച്ചിരുന്നു. ഇതിനായി സുപ്രിം കോടതിയെ കമ്പനി സമീപിച്ചിരുന്നു. ക​മ്പ​നി​യി​ലെ ര​ണ്ട്​ പ്ലാ​ൻ​റു​ക​ളി​ൽ പ്ര​തി​ദി​നം 1,050 മെ​ട്രി​ക്​ ട​ൺ മെ​ഡി​ക്ക​ൽ ഒാ​ക്​​സി​ജ​ൻ ഉ​ൽ​പാ​ദി​പ്പി​ക്കാം. ദി​വ​സ​വും ചു​രു​ങ്ങി​യ​ത്​ 500 മെ​ട്രി​ക്​ ട​ൺ ദ്ര​വ ഓ​ക്​​സി​ജ​നെ​ങ്കി​ലും ഉ​ൽ​പാ​ദി​പ്പി​ച്ച്​ സൗ​ജ​ന്യ​മാ​യി ന​ൽ​കാ​മെ​ന്നായിരുന്നു​ വാ​ഗ്​​ദാ​നം. ഓക്​​സി​ജ​ൻ ഉ​ൽ​പാ​ദ​ന​ത്തി​ന്​ മാ​ത്ര​മാ​യി ക​മ്പ​നി തു​റ​ക്കാ​ൻ അ​നു​മ​തി ന​ൽ​കാ​മെ​ന്ന്​​ കേ​ന്ദ്ര സ​ർ​ക്കാരും നിലപാടെടുത്തിരുന്നു. എ​ന്നാ​ൽ, ക​മ്പ​നി തു​റ​ക്കാൻ അനുമതി നൽകരുതെന്ന​ നി​ല​പാ​ടിൽ ത​മി​ഴ്​​നാ​ട് സർക്കാർ ഉറച്ചു നിന്നു. ഓക്​​സി​ജ​ൻ ഉ​ൽ​പാ​ദ​ന​ത്തിന്‍റെ മ​റ​വി​ൽ കേ​ന്ദ്ര സ​ർ​ക്കാ​ർ പി​ന്തു​ണ​യോ​ടെ ക​മ്പ​നി തു​റ​ക്കാ​നു​ള്ള നീ​ക്ക​മാ​ണിതെന്നും ആരോപണം ഉയർന്നിരുന്നു.