മണിപ്പൂർ സംഘർഷം പഠിക്കാനെത്തിയ എഡിറ്റേഴ്സ് ഗിൽഡിന്‍റെ അറസ്റ്റ് സുപ്രിംകോടതി തടഞ്ഞു

ന്യൂഡല്‍ഹി: മണിപ്പൂർ സംഘർഷം പഠിക്കാനെത്തിയ എഡിറ്റേഴ്സ് ഗിൽഡ് വസ്തുതാന്വേഷണ സംഘത്തിന്റെ അറസ്റ്റ് സുപ്രിംകോടതി തടഞ്ഞു. വസ്തുതാന്വേഷണ സംഘത്തിൽപെട്ടവർക്ക് എതിരെ മണിപ്പൂർ പൊലീസ് എടുത്ത എഫ്.ഐ.ആർ റദ്ദാക്കണമെന്നാണ് ഹരജിയിലെ ആവശ്യം.

തിങ്കളാഴ്ച ഹരജി വീണ്ടും പരിഗണിക്കുന്നത് വരെയാണ് അറസ്റ്റ് തടഞ്ഞത് . എഡിറ്റേഴ്സ് ഗിൽഡിന്റെ വസ്തുതാന്വേഷണ സംഘം, പ്രത്യേക വിഭാഗത്തോട് മാത്രം സംസാരിച്ചു റിപ്പോർട്ട് തയാറാക്കുകയാണെന്ന യൂട്യൂബറിന്റെ പരാതിയിലായിരുന്നു പൊലീസ് എഫ്.ഐ.ആറിട്ടത്. ചീഫ് ജസ്റ്റിസ് ഡി വൈ ചന്ദ്രചൂഡിന്റെ ബെഞ്ചിലാണ് ഹരജി പരിഗണിക്കുന്നത്.