രണ്ടു ഭാര്യമാര്‍ക്കായി ഒരാഴ്ചയെ വീതിച്ചു നല്‍കി കരാര്‍; വൈറലായി യുവാവ്
|കരാർ പ്രകാരം ആഴ്ചയിൽ മൂന്ന് ദിവസം ഒരു ഭാര്യക്കൊപ്പവും മൂന്ന് ദിവസം മറ്റൊരാൾക്കൊപ്പവും ഞായാറാഴ്ച യുവാവിനിഷ്ടമുള്ള രീതിയിലും കഴിയാം
ഭോപ്പാല്‍: വിവാഹം പോലെ തന്നെ വിവാഹ മോചനവും ഒട്ടേറെ നടക്കുന്ന രാജ്യമാണ് ഇന്ത്യ. പലവിധ കാരണങ്ങളുണ്ടെങ്കിലും പങ്കാളിക്ക് മറ്റൊരാളുമായുള്ള അമിത അടുപ്പമാകാം പലപ്പോഴും വിവാഹ മോചനങ്ങൾക്ക് കാരണം. എന്നാൽ ഇതിന് പരിഹാരവുമായി രംഗത്തെത്തിയിരിക്കുകയാണ് മധ്യപ്രദേശിലെ 28 കാരനായ സോഫ്റ്റ്‌വെയർ എഞ്ചിനിയർ.
ഇതിനായി ഇയാൾ ഒരാഴ്ചയെ തന്റെ രണ്ടു ഭാര്യമാർക്കായി പങ്കിട്ടു നൽകി കരാറുണ്ടാക്കി. കരാർ പ്രകാരം ആഴ്ചയിൽ മൂന്ന് ദിവസം ഒരു ഭാര്യക്കൊപ്പവും മൂന്ന് ദിവസം മറ്റൊരാൾക്കൊപ്പവും ഞായാറാഴ്ച തനിക്കിഷ്ടമുള്ള രീതിയിലും കഴിയാം. രണ്ടു ഭാര്യമാർക്കായി യുവാവ് പ്രത്യേകം ഫ്‌ളാറ്റുകളും നിർമിച്ചിട്ടുണ്ട്. രണ്ടു ഭാര്യമാരിലാണ് രണ്ടുവീതം കുട്ടികളും യുവാവിനുണ്ട്.
2018 മെയ് മാസത്തിലാണ് 26 കാരി ഇയാളെ വിവാഹം കഴിക്കുന്നത്. ഗുരുഗ്രാമിലെ ഒരു സ്വകാര്യ കമ്പനിയിൽ ജോലി ചെയ്യുകയായിരുന്ന യുവാവും യുവതിയും അവിടെ തന്നെയാണ് താമസിച്ചിരുന്നത്. ഇരുവർക്കും ഒരു മകനുമുണ്ടായിരുന്നു.
2020-ൽ, കോവിഡ് ആരംഭിച്ചതിന് ശേഷം ദമ്പതികൾ ഗ്വാളിയോറിലെത്തി, പിന്നീട് അയാൾ വീട്ടിലി നിന്ന് ജോലി ചെയ്യാൻ തുടങ്ങി. പിന്നീട് ഗ്വാളിയോറിൽ കുറച്ച് ദിവസങ്ങൾ ചെലവഴിച്ചതിന് ശേഷം അദ്ദേഹം ഗുരുഗ്രാമിലേക്ക് മടങ്ങി. പിന്നീട് സ്ഥിതിഗതികൾ മെച്ചപ്പെട്ടിട്ടും ഭാര്യയെയും കുട്ടിയെയും തേടി അയാൾ മടങ്ങിവന്നില്ല. എന്നാൽ താൻ ഗ്വാളിയോറിൽ നിന്ന് ഗുരുഗ്രാമിലേക്ക് വരുമെന്ന് യുവതി ഇയാളോട് പറഞ്ഞു.
തുടർന്ന് ഗുരുഗ്രാമിലെത്തിയ യുവതി 2021 ൽ അതേ കമ്പനിയിലെ സഹപ്രവർത്തയെ ഇയാൾ വിവാഹം കഴിച്ചതായി. രണ്ടാമത്തെ ഭാര്യയും പെൺകുഞ്ഞിന് ജന്മം നൽകി. തുടർന്ന് ഗ്വാളിയോറിലെ കുടുംബ കോടതിയിൽ ജീവനാംശത്തിനായി യുവതി കേസ് ഫയൽ ചെയ്തു. ചൊവ്വാഴ്ച നടക്കാനിരുന്ന വാദം കേൾക്കുന്നതിന് മുമ്പ് ഒത്തുതീർപ്പിന് ശ്രമിക്കണമെന്ന് അഭിഭാഷകനും കൗൺസിലറുമായ ഹരീഷ് ദിവാനോട് കോടതി ആവശ്യപ്പെട്ടു.
ആദ്യ ഭാര്യയെ വിവാഹമോചനം ചെയ്യാതെ മറ്റൊരു സ്ത്രീയെ വിവാഹം കഴിക്കുന്നത് ഹിന്ദു വിവാഹ നിയമപ്രകാരം ശിക്ഷാർഹമാണെന്ന് ദിവാൻ യുവാവിനോട് പറഞ്ഞു. ആദ്യ ഭാര്യ എഫ്.ഐ.ആർ ഫയൽ ചെയ്താൽ ജോലി പോലും നഷ്ടപ്പെടുമെന്നും അഭിഭാഷകൻ ഇയാളെ ഓര്‍മപ്പെടുത്തി.
തുടർന്ന് കോടതിക്ക് പുറത്ത് ധാരണയിലെത്താൻ മൂന്ന് കക്ഷികളും സമ്മതിച്ചു. ഉടമ്പടി പ്രകാരം, ഇയാൾ ആഴ്ചയിൽ മൂന്ന് ദിവസം തന്റെ ഭാര്യമാരിൽ ഒരാളുമായും അടുത്ത മൂന്ന് ദിവസം മറ്റേയാളുമായും ചെലവഴിക്കണം. താൻ തിരഞ്ഞെടുക്കുന്ന ആരുമായും ഞായറാഴ്ച ചെലവഴിക്കാൻ അദ്ദേഹത്തിന് സ്വാതന്ത്ര്യമുണ്ട്. കരാർ ലംഘിച്ചാൽ ആദ്യ ഭാര്യക്ക് കോടതിയെ സമീപിക്കാമെന്നാണ് അഭിഭാഷകൻ പറയുന്നത്.