India
India
ഭാരം ഒരു കിലോ, വില 500 രൂപ; വൈറലായി ഭീമന്‍ ജിലേബി
|28 July 2021 8:05 AM GMT
ഇന്‍ഡോറിലെ സറാഫ ബസാറിലുള്ള ജയ് ഭോലെ ജിലേബി ഭണ്ഡാറിലാണ് ഭീമാകാരനായ ജിലേബി ഉണ്ടാക്കുന്നത്
ഇതുവരെ നമ്മള്‍ കണ്ടു രുചിച്ചറിഞ്ഞ ജിലേബികളൊന്നും ഒന്നുമല്ല ഈ ഭീമന്‍ ജിലേബിക്ക് മുന്നില്‍. കാരണം രൂപത്തിലും ഭാരത്തിലും മാത്രമല്ല വിലയിലും മുന്നിലാണ് ഈ ജിലേബി. ഒരു ജിലേബി തന്നെ ഒരു കിലോയോളം വരും. അതുകൊണ്ടു തന്നെ വിലയും കൂടും. 500 രൂപയാണ് ഒരു ജിലേബിയുടെ വില.
ഇന്‍ഡോറിലെ സറാഫ ബസാറിലുള്ള ജയ് ഭോലെ ജിലേബി ഭണ്ഡാറിലാണ് ഭീമാകാരനായ ജിലേബി ഉണ്ടാക്കുന്നത്. വര്‍ഷങ്ങളുടെ ഈ കട പാരമ്പര്യമുള്ള 1988ലാണ് തുടങ്ങുന്നത്. കഴിഞ്ഞ 33 വര്‍ഷമായി രുചികരമായ ജിലേബികള്‍ ഇവിടെ ഉണ്ടാക്കുന്നു. കൃത്രിമമായ നിറങ്ങള്‍ ചേര്‍ക്കാതെയാണ് ഭീമന്‍ ജിലേബിയുണ്ടാക്കുന്നത്. ഫുഡി ഇന്‍കാര്‍ണേറ്റ് എന്ന ഇന്‍സ്റ്റഗ്രാം പേജില്‍ ജിലേബി ഉണ്ടാക്കുന്ന വീഡിയോ പങ്കുവച്ചിട്ടുണ്ട്. 1.2 മില്യണ്‍ പേരാണ് ജിലേബി വീഡിയോ കണ്ടിരിക്കുന്നത്.