ഭാര്യ കാമുകനൊപ്പം ഒളിച്ചോടി; യുവാവ് ഭാര്യാപിതാവിനെ വെടിവച്ചു കൊന്നു

മുംബൈ: ഭാര്യ കാമുകനൊപ്പം ഒളിച്ചോടിയതിന് ഭർത്താവ് ഭാര്യാപിതാവിനെ വെടിവെച്ചു കൊലപ്പെടുത്തി. മഹാരാഷ്ട്രയിലെ ജൽന ജില്ലയിലാണ് സംഭവം. ബുധനാഴ്ച അമ്പാടിലെ ശാരദാ നഗറിലാണ് കൊലപാതകം നടന്നത്. പ്രതി പൈത്താനിലെ അഡൂൽ സ്വദേശിയാണ്.

പ്രതിയുടെ ഭാര്യ കാമുകനൊപ്പം ഒളിച്ചോടിയെ ശേഷം ഔറംഗബാദിലേക്ക് താമസം മാറിയെന്നാണ് പൊലീസ് പറയുന്നത്. ഭാര്യയുടെ പ്രവൃത്തിയില്‍ പ്രകോപിതനായ യുവാവ് ഭാര്യാ പിതാവിനെതിരെ തിരിയുകയായിരുന്നു. ''തർക്കത്തിനിടെയാണ് ഭാര്യാപിതാവിനെ വെടിവെച്ച് കൊലപ്പെടുത്തിയത്. പ്രതിയെ പിടികൂടാനുള്ള ശ്രമങ്ങൾ തുടരുകയാണ്'' ഇൻസ്പെക്ടർ ഷിരിഷ് ഹംബെയെ ഉദ്ധരിച്ച് പിടിഐ റിപ്പോർട്ട് ചെയ്തു.