തിരുപ്പിറവിയുടെ ഓര്‍മയില്‍ ക്രിസ്മസ്; ലോകമെമ്പാടും ആഘോഷങ്ങള്‍തിരുപ്പിറവിയുടെ ഓര്‍മയില്‍ ക്രിസ്മസ്; ലോകമെമ്പാടും ആഘോഷങ്ങള്‍
|ഈ തിരുപ്പിറവി ദിനത്തില്‍ സമാധാനത്തിന്റെയും സന്തോഷത്തിന്റെയും സന്ദേശം നമുക്ക് പകരാനാകട്ടെ.
ലോകം മുഴുവനുള്ള ക്രൈസ്തവര്‍ ഇന്ന് ക്രിസ്മസ് ആഘോഷിക്കുന്നു. ഈ തിരുപ്പിറവി ദിനത്തില്‍ സമാധാനത്തിന്റെയും സന്തോഷത്തിന്റെയും സന്ദേശം നമുക്ക് പകരാനാകട്ടെ.
ലോകത്തിന്റെ രക്ഷക്കായി അങ്ങകലെ കാലിത്തൊഴുത്തില്‍ ഉണ്ണി പിറന്നെന്ന വാര്‍ത്ത ആ രാത്രിയില്‍ ആട്ടിടയര്‍ കേട്ടു. അവനെ കണ്ട് വണങ്ങാന്‍ കാഴ്ച്ച ദ്രവ്യങ്ങളുമായി മൂന്ന് രാജക്കന്‍മാര്‍ താരകത്തെയും നോക്കി യാത്ര തിരിച്ചു. തിരുപ്പിറവിയുടെ ഓര്‍മ്മ പുതുക്കാന്‍ സന്ദേശ ഗാനങ്ങളുമായി ബാലകര്‍ വീടുകള്‍ തോറും കയറിയിറങ്ങി. ആ പുലര്‍ കാലത്ത് പുല്‍ത്തൊട്ടിയില്‍ പുഞ്ചിരി തൂകുന്ന യേശുവിനെ കണ്ടു വണങ്ങി, സമാധാനത്തിന്റെ സന്ദേശം അവര്‍ ലോകത്തിന് കൈമാറി.
പിറവിയുടെ സന്തോഷം കിന്നരം മീട്ടിയും കൊമ്പും കുഴലും ഊതിയും അവര്‍ കൊണ്ടാടി. ദേവാലയങ്ങള്‍ പ്രാര്‍ത്ഥനാ മുഖരിതമായി. അവന്റെ പാത പിന്തുടരാന്‍ ഉത്ഘോഷിച്ചു. സന്തോഷത്തിന്റെ പുതിയ ആകാശം പുലര്‍ന്നു. സന്മനസ്സുള്ളവര്‍ക്ക് സമാധാനം.