മെക്സിക്കോയില്‍ നിര്‍ണായക വോട്ടെടുപ്പ്മെക്സിക്കോയില്‍ നിര്‍ണായക വോട്ടെടുപ്പ്
|മെക്സികോയില്‍ നിര്‍ണായക പ്രാദേശിക തെരഞ്ഞെടുപ്പ് പുരോഗമിക്കുന്നു. 2018 ല്‍ പ്രസിഡന്‍റ് തെരഞ്ഞെടുപ്പ് നടക്കാനിരിക്കെ അതിന് മുന്നോടിയായി നടക്കുന്ന ഈ തെരഞ്ഞെടുപ്പിന് ഏറെ പ്രാധാന്യമുണ്ട്.
മെക്സികോയില്‍ നിര്‍ണായക പ്രാദേശിക തെരഞ്ഞെടുപ്പ് പുരോഗമിക്കുന്നു. 2018 ല്‍ പ്രസിഡന്‍റ് തെരഞ്ഞെടുപ്പ് നടക്കാനിരിക്കെ അതിന് മുന്നോടിയായി നടക്കുന്ന ഈ തെരഞ്ഞെടുപ്പിന് ഏറെ പ്രാധാന്യമുണ്ട്. 80 വര്‍ഷമായി തുടരുന്ന ഏകപാര്‍ട്ടി ഭരണത്തിന് മാറ്റമുണ്ടാകുമോ എന്നാണ് എല്ലാവരും ഉറ്റുനോക്കുന്നത്.
80 വര്‍ഷമായി അധികാരം കയ്യാളുന്ന ഇന്‍സ്റ്റിറ്റ്യൂഷണല്‍ റെവല്യൂഷണറി പാര്‍ട്ടിയുടെ ശക്തികേന്ദ്രങ്ങളിലുള്‍പ്പെടെ 30 സ്റ്റേറ്റ്സുകളിലാണ് തെരഞ്ഞെടുപ്പ് നടക്കുന്നത്. ഇത്തവണയും വലിയ വാഗ്ദാനങ്ങളാണ് പാര്‍ട്ടി ജനങ്ങള്‍ക്ക് നല്‍കിയിരിക്കുന്നത്. നിലവിലെ പ്രസിഡന്‍റ് എന്‍ട്രിക പെനാനിറ്റോവിന്റെ ഭാവി തീരുമാനിക്കുന്ന തെരഞ്ഞെടുപ്പു കൂടിയാകും ഇത്. പ്രതിപക്ഷ പാര്‍ട്ടികള്‍ ഒറ്റക്കെട്ടായാണ് ഇത്തവണ തെരഞ്ഞെടുപ്പില്‍ രംഗത്തിറങ്ങിയെന്നതും ഭരണപക്ഷത്തിന് വെല്ലുവിളിയാണ്. രാജ്യം മാറ്റത്തിന് വേണ്ടി ദാഹിക്കുകയാണെന്നാണ് പ്രതിപക്ഷപാര്‍ട്ടികളുടെ അവകാശവാദം. വര്‍ഷങ്ങളായി രാജ്യത്ത് തുടരുന്ന അഴിമതിയും ദാരിദ്രവുമെല്ലാം സര്‍ക്കാരിനെതിരെയുള്ള വിധിയെഴുത്താവുമെന്നും ഇവര്‍ പറയുന്നു.