അമേരിക്കയിലെ സാമ്പത്തിക സ്തംഭനം ഒഴിവായി

സെനറ്റിലും കോണ്‍ഗ്രസിലും ധനകാര്യ ബില്‍ പാസാക്കിയതോടെയാണ് സാമ്പത്തിക സ്തംഭനത്തിന് അറുതിയായത്

അമേരിക്കയിലെ സാമ്പത്തിക സ്തംഭനം ഒഴിവായി. സെനറ്റിലും കോണ്‍ഗ്രസിലും ധനകാര്യ ബില്‍ പാസാക്കിയതോടെയാണ് സാമ്പത്തിക സ്തംഭനത്തിന് അറുതിയായത്.

ധനബില്‍ പാസാക്കാത്തതിനെ തുടര്‍ന്ന് മൂന്നാഴ്ചയ്ക്കിടെ ര​​ണ്ടാം​​ത​​വ​​ണ​​യും ഉടലെടുത്ത സാമ്പത്തിക പ്രതിസന്ധി അവസാനിച്ചു. റി​പ്പ​ബ്ലി​ക്ക​ൻ അം​ഗ​ങ്ങ​ൾ​ക്ക്​ ഭൂ​രി​പ​ക്ഷ​മു​ള്ള കോ​ൺ​ഗ്ര​സി​ൽ 186നെ​തി​രെ 240വോ​ട്ടു​ക​ൾ​ക്കാണ് ബില്‍ പാസായത്. സൈനിക-ആഭ്യന്തര ചെലവുകള്‍ക്കായി മുപ്പതിനായിരം കോടി രൂപയാണ് ബില്ലില്‍ വകയിരുത്തിയിരുന്നത്. മാ​​ർ​​ച്ച് 23 വരെ വേണ്ട തുകയാണിത്. കോ​ൺ​ഗ്ര​സി​ലെ റി​പ്പ​ബ്ലി​ക്ക​ൻ സെ​ന​റ്റ​ർ റാ​ൻ​ഡ് പോ​ളി​​​ന്റെ എ​തി​ർ​പ്പാ​യി​രു​ന്നു പ്ര​തി​സ​ന്ധിക്ക് കാരണം. അനുകൂല നിലപാട് എടുത്തതോടെയാണ് ബില്‍ പാസാക്കാനായത്. ട്രം​പ് സ​ർ​ക്കാരിന്റെ കു​ടി​യേ​റ്റ​ന​യ​ത്തി​ൽ പ്ര​തി​ഷേ​ധി​ച്ച്, ​െഡ​മോ​ക്രാ​റ്റി​ക് പാ​ർ​ട്ടി സാമ്പത്തിക ബില്ലിനെതിരെ ജനുവരിയില്‍ വോട്ട് ചെയ്തിരുന്നു. ഇതേതുടര്‍ന്ന് മൂന്ന് ദിവസം പണമില്ലാതെ സര്‍ക്കാരിന് പ്രവര്‍ത്തിക്കേണ്ടി വന്നു. കു​ട്ടി​ക​ളാ​യി​രി​ക്കു​മ്പോ​ൾ യു.​എ​സി​ലേ​ക്കു കു​ടി​യേ​റി​യ ഏ​ഴു ല​ക്ഷ​ത്തി​ലേ​റെ പേ​ർ​ക്കു ന​ൽ​കിയിരുന്ന താത്കാലിക നിയമസാധുത ട്രംപ് ഭരണകൂടം പിന്‍വലിച്ചതാണ് ഡെമോക്രാറ്റുകളുടെ പ്രതിഷേധത്തിന് ഇടയാക്കിയത്.