വിമാനത്തിലും കപ്പലിലും മാത്രമല്ല, സ്കൂട്ടറിലും വിവാഹം നടക്കുംവിമാനത്തിലും കപ്പലിലും മാത്രമല്ല, സ്കൂട്ടറിലും വിവാഹം നടക്കും
|ചൈനയിലെ ഒരു പ്രമുഖ റസ്റ്റോറന്റിലെ ഡെലിവറി ബോയിയാണ് സ്കൂട്ടര്‍ വിവാഹവേദിയാക്കിയത്
വിമാനത്തിലും കപ്പലിലും കാട്ടിലും വെള്ളത്തിലുമൊക്കെ നടക്കുന്ന വിവാഹങ്ങളെക്കുറിച്ച് നാം കണ്ടിട്ടും കേട്ടിട്ടുണ്ട്. എന്നാല്‍ വാഹനങ്ങളില്‍ താരതമ്യേന ഇത്തിരിക്കുഞ്ഞനായ സ്കൂട്ടറില്‍ വച്ചും വിവാഹം നടത്താമെന്ന് തെളിയിച്ചിരിക്കുകയാണ് ഈ ചൈനീസ് ദമ്പതികള്‍. ചൈനയിലെ ഒരു പ്രമുഖ റസ്റ്റോറന്റിലെ ഡെലിവറി ബോയിയാണ് സ്കൂട്ടര്‍ വിവാഹവേദിയാക്കിയത്.
വടക്കന്‍ ചൈനയിലെ ടിയാന്‍ജിംഗില്‍ ഒക്ടോബര്‍ 1നാണ് വിവാഹം നടന്നത്. സ്കൂട്ടറില്‍ വച്ചാണ് ഇരുവരും വിവാഹമോതിരം കൈമാറിയത്. അകമ്പടിയായി വരന്റെ സഹപ്രവര്‍ത്തകരും ഉണ്ടായിരുന്നു. ഡെലിവറി ബോയിയുടെ അതേ വേഷത്തില്‍ അതേ വാഹനത്തിലാണ് സഹപ്രവര്‍ത്തകരും വിവാഹത്തിനെത്തിയതെന്ന് പീപ്പിള്‍സ് ഡെയ്‍ലി റിപ്പോര്‍ട്ട് ചെയ്യുന്നു. കണ്ടു നിന്നവരിലാരോ പകര്‍ത്തിയ ഈ സ്കൂട്ടര്‍ വീഡിയോ ഇപ്പോള്‍ ചൈനയിലെ സോഷ്യല്‍മീഡിയയില്‍ വൈറലാണ്.