മദ്യനയത്തില്‍ സര്‍ക്കാര്‍ വാക്കുപാലിക്കണമെന്ന് ആര്‍ച്ച് ബിഷപ്പ് സൂസൈപാക്യം

മദ്യനയം സംബന്ധിച്ച് നല്ല സൂചനകളാണ് പുതിയ സര്‍ക്കാരിന്റെ ഭാഗത്ത് നിന്ന് ഉണ്ടാകുന്നത്.

മദ്യനയത്തില്‍ സര്‍ക്കാര്‍ വാക്കുപാലിക്കുമെന്ന് പ്രതീക്ഷിക്കുന്നതായി ആര്‍ച്ച് ബിഷപ്പ് സൂസൈപാക്യം. മദ്യനയം സംബന്ധിച്ച് നല്ല സൂചനകളാണ് പുതിയ സര്‍ക്കാരിന്റെ ഭാഗത്ത് നിന്ന് ഉണ്ടാകുന്നത്. പാവങ്ങളുടെ പക്ഷം ചേര്‍ന്ന് മദ്യലോബികളുടെ സമ്മര്‍ദ്ദത്തിന് സര്‍ക്കാര്‍ വഴങ്ങരുതെന്നും സൂസൈപാക്യം പറഞ്ഞു. മദ്യനയം രൂപീകരിക്കുമ്പോള്‍ പാവങ്ങളുടെ വികാരവും ഉള്‍ക്കൊള്ളണം. നിരോധനം ലക്ഷ്യംവെച്ചുള്ള മദ്യവര്‍ജനമാണ് വേണ്ടതെന്നും സൂസൈപാക്യം തിരുവനന്തപുരത്ത് പറഞ്ഞു.