മധ്യകേരളത്തില്‍ കനത്ത മഴ തുടരുന്നുമധ്യകേരളത്തില്‍ കനത്ത മഴ തുടരുന്നു
|മധ്യകേരളത്തില്‍ രണ്ട് ദിവസമായി പെയ്യുന്ന മഴ ഇന്നും തുടരുകയാണ്.
മധ്യകേരളത്തില്‍ രണ്ട് ദിവസമായി പെയ്യുന്ന മഴ ഇന്നും തുടരുകയാണ്. ഇന്നലെ രാത്രി മുതല്‍ ശക്തമായ മഴയാണ് എറണാകുളം ജില്ലയില്‍ അനുഭവപ്പെട്ടത്. ചെല്ലാനം ഭാഗത്ത് കടല്‍ ക്ഷോഭത്തില്‍ 70ഓളം വീടുകളില്‍ വെള്ളം കയറി.
ബംഗാള്‍ ഉള്‍ക്കടലില്‍ രൂപം കൊണ്ട ന്യൂനമര്‍ദമാണ് മഴക്ക് കാരണം. ശക്തമായ കാറ്റിനും സാധ്യതയുണ്ട്. പുലര്‍ച്ചെ മൂന്ന് മണിക്ക് ചെല്ലാനം ഭാഗത്ത് കടല്‍ക്ഷോഭം ഉണ്ടായി. വീടുകളില്‍ വെള്ളം കയറി. ചില വീടുകളുടെ മതിലുകള്‍ ഭാഗികമായി തകര്‍ന്നു.
70 ഓളം കുടുംബങ്ങളാണ് ഈ പ്രദേശത്ത് തിങ്ങിപ്പാര്‍ക്കുന്നത്. ചെറിയൊരു മഴ പെയ്താല്‍ തന്നെ വീടുകളില്‍ വെള്ളം കയറും.
കഴിഞ്ഞ നാല് വര്‍ഷമായി ഇതിനൊരു പരിഹാരം കാണണമെന്ന് നിരന്തരമായി ആവശ്യപ്പെട്ടിട്ടും അധികാരികള്‍ തങ്ങള്‍ക്ക് നേരെ കണ്ണടക്കുകയാണെന്നാണ് ഇവരുടെ പരാതി.
കെട്ടിനില്‍ക്കുന്ന വെള്ളം ഫയര്‍ഫോഴ്സെത്തി പമ്പ് ചെയ്തുകളഞ്ഞു. പഞ്ചായത്ത് മെമ്പര്‍മാര്‍, വാര്‍ഡ് മെമ്പര്‍മാര്‍, എംഎല്‍എ എന്നിവര്‍ സ്ഥലം സന്ദര്‍ശിച്ചു.