Kerala
ബിജെപിക്ക് വോട്ട് കൂടിയാല്‍ നഷ്ടം യുഡിഎഫിന്: കാനം രാജേന്ദ്രന്‍Kerala
ബിജെപിക്ക് വോട്ട് കൂടിയാല്‍ നഷ്ടം യുഡിഎഫിന്: കാനം രാജേന്ദ്രന്‍
|2 Jun 2017 6:59 AM GMT
ബിജെപിയുടെ കേരളത്തിലെ വളര്‍ച്ചയില്‍ എല്‍ഡിഎഫിന് ആശങ്കയില്ലെന്ന് സിപിഐ സംസ്ഥാന സെക്രട്ടറി കാനം രാജേന്ദ്രന്‍
ബിജെപിയുടെ കേരളത്തിലെ വളര്‍ച്ചയില്‍ എല്‍ഡിഎഫിന് ആശങ്കയില്ലെന്ന് സിപിഐ സംസ്ഥാന സെക്രട്ടറി കാനം രാജേന്ദ്രന്‍ പറഞ്ഞു. ബിജെപിക്ക് വോട്ട് വര്‍ധിക്കുന്നതില്‍ യുഡിഎഫിനാണ് നഷ്ടമെന്നും കാനം രാജേന്ദ്രന്‍ പറഞ്ഞു. മലപ്പുറം പ്രസ് ക്ലബ്ബ് സംഘടിപ്പിച്ച നേതൃശബ്ദം എന്ന പരിപാടിയില്‍ സംസാരിക്കുകയായിരുന്നു അദ്ദേഹം.
ബിജെപിയുടെ വളര്‍ച്ചയില്‍ സിപിഐക്കോ എല്‍ഡിഎഫിനോ യാതൊരു ആശങ്കയുമില്ലെന്ന് കാനം രാജേന്ദ്രന്‍ പറഞ്ഞു. ബംഗാളില്‍ കോണ്‍ഗ്രസുമായി രാഷ്ട്രീയപരമായ ഒരു ബന്ധവുമില്ലെന്നും അദ്ദേഹം കൂട്ടിച്ചേര്‍ത്തു. എല്‍ഡിഎഫിന്റെ പരസ്യങ്ങളില്‍ സിപിഎം നേതാക്കളുടെ ഫോട്ടോ മാത്രം വെച്ചതിനെ കുറിച്ച് ചോദിച്ചപോള്‍ പണം മുടക്കുന്നവരാണ് പരസ്യം തീരുമാനിക്കുക എന്നായിരുന്നു മറുപടി.