ആര്‍ക്കും മുന്നറിയിപ്പും ഉപദേശവും നല്‍കിയിട്ടില്ല: വിഎസിന്റെ വിശദീകരണംആര്‍ക്കും മുന്നറിയിപ്പും ഉപദേശവും നല്‍കിയിട്ടില്ല: വിഎസിന്റെ വിശദീകരണം
|താന്‍ ഉള്‍പ്പെടെയുള്ള ഇടതുപക്ഷ ജനാധിപത്യ മുന്നണി നേതാക്കള്‍ തെരഞ്ഞെടുപ്പ് കാലത്ത് പാലിക്കേണ്ട ചില കാര്യങ്ങള്‍ ചൂണ്ടിക്കാണിക്കുക മാത്രമാണ് ചെയ്തതെന്നും വിഎസ് ഫേസ് ബുക്കില്‍ കുറിച്ചു.
താന്‍ ആര്‍ക്കും മുന്നറിയിപ്പും ഉപദേശവും നല്‍കിയിട്ടില്ലെന്ന് വിഎസിന്റെ വിശദീകരണം. താന്‍ ഉള്‍പ്പെടെയുള്ള ഇടതുപക്ഷ ജനാധിപത്യ മുന്നണി നേതാക്കള്‍ തെരഞ്ഞെടുപ്പ് കാലത്ത് പാലിക്കേണ്ട ചില കാര്യങ്ങള്‍ ചൂണ്ടിക്കാണിക്കുക മാത്രമാണ് ചെയ്തതെന്നും വിഎസ് ഫേസ് ബുക്കില്‍ കുറിച്ചു. തന്റെ പോസ്റ്റ് മനസ്സിരുത്തി വായിച്ച് വളച്ചൊടിക്കാതെ റിപ്പോര്‍ട്ട് ചെയ്യണമെന്നും വിഎസ് ആവശ്യപ്പെട്ടു.
തെറ്റിദ്ധാരണയ്ക്കും തെറ്റായ വ്യാഖ്യാനങ്ങള്‍ക്കും ഇടനല്‍കിയേക്കാവുന്ന വാക്കുകള്‍ അബദ്ധവശാല്‍ പോലും ഇടതുപക്ഷ ജനാധിപത്യമുന്നണിയുടെ നേതാക്കളില്‍ നിന്നും ഉണ്ടാവാന്‍ പാടില്ല എന്ന വിഎസിന്റെ ഫേസ് ബുക്ക് പോസ്റ്റ് ചര്‍ച്ചയായ സാഹചര്യത്തിലാണ് പുതിയ വിശദീകരണം.
മാധ്യമ സുഹൃത്തുക്കളോട് ഒരു അഭ്യര്‍ത്ഥന “കാള പെറ്റതും കയറെടുത്തതും” എന്ന ശീര്‍ഷകത്തിലുള്ള എന്‍റെ പോസ്റ്റില്‍ നിന്നും ചില...
Posted by VS Achuthanandan on Thursday, April 21, 2016